كن جريئا ولا تدافع عن نفسك !
تعلم ديما عمرك دافع على راسك من هجوم الناس بالهدرة عليك حيث هاد اللعيبة تتخربق الناس ، اتجيك فكرة غريبة ولكنها راه قاضية فتحطيم الاخرين ، هاد بلان يتم تعليمه ف رياضات الحربية القاسية بحال ساموراي و السومو ، من المناصرين ديال هاد الفلسفة بروس لي و لي تيتعتابر قدوة ديال مئات المشاهير بحال شيكنوريست و ايمينيم و ستيف ماكوين و جاكي شان و آل باتشينو … بلان ديال عمر دافع على راسك راه تيعطيك واحد القوة مع الوقت جارفة وتتولي تحس براسك صلب من داخل بزاف ، ف رياضة البيسبول كان الاسطورة " جاكي روبنسون" اول شخص اسود تيدخل لرياضة بيسبول وكان ديما فالمشاجرات بسبب العنصرية والاستهزاء به و كان ديما تيتشد لدرجة انه سلخ برهوش حيث ستهزأ بيه ، جاكي المسار ديالو بدا تيسالي وخا يالاه بادي و وخا عندو بوتونسيال كبير وموهبة عظيمة اتخليه يتم استبعاد ديالو تاغادي يجي العملاق برانس ريكي مالك فريق بروكلين و غادي يعرض عليه الالتحاق بالفريق وغادي يقوليه " أبحث عن لاعب بيسبول يملك الجرأة على عدم الدفاع عن نفسه ، هل تستطيع ذلك " ، روبنسون شاف راسو غادي يضيع وهو يقبل على هاد شرط الغريب و بدا تيلعب و تيتعرض لأسوأ الاهانات وكان يريد ديما يسلخ بنادم و يتقاتل و تيتفكر شرط " جرأة عدم الدفاع عن النفس" و تيضبط النفس ديالو ، مع الوقت روبنسون بدا تيحس بقوة اكبر وبأنه شخصيتو اكثر صلابة و ولى عندو الاحترام لراسو من داخل ، لدرجة انه اصبح تيرعب اللاعبين عندما يتم استفزازه باش يخرج من اطار وتيبقا هادئ و صامت وتجربو فيه جميع تكتيكات باش ينفاعل شي مرة منها تيجيبو قرودة للملعب ومنها العنق المقصود لكنه مع توالي الاشهر ايولي روبنسون هو اكثر واحد تيخلع و ايتنسجو عليه قصص انه بسيكوباط وانه هدوء لي تيسبق العاصفة و ولى كلشي تيتجنبو وبانت الرؤية ديال روبنسون انه القوة تتجي من فين متدافعش على راسك لا العكس ، على ظفة الاخرى اصبح روبنسون من اعظم لاعبي البيسبول فالتاريخ و بسببو ايبداو يدخلو ذوي بشرة سوداء لبيسبول وكان معروف على انه اصعب شخص تقدر تستفزو و لا يعيرك اهتمام لهدرتك ولا يفيق ليك من نعاس و كان ايضا مبقاش تيتسوق تا المديح والاطراء و ولاو نقط ارتكاز داخلية عندو داخلية ، و اصبح اكثر لاعب مهيب وعظيم ويتم توقيره ، وهاد بلان تيديرو تا ليل واين عوض نبقا ندافع على راسي من المعيور وعلى انني كحل و التمييز ، يمشي العالم للجحيم عمري ندافع على راسي من هاد تخربيق وهادشي خلاه يولي اكثر رابور عندو ثقة فالنفس كبيرة و شكلها من الايمان ديالو انه متدافعش على راسك وهز القوة من داخلك لا من عالم الخارجي ، وهكاك علاش تيعتابر قوي و متيبغيوش يقربو ليه لانه عندو الانتيرن صعيب و تيحس بكلشي صغير قدامو و قادر يحطم اي واحد
ما هو رد فعلك؟
