ما الفرق بين الذكي و الفاشل المتخاذل؟..يوسف أخديم يجيب
كاين جوج انواع من البشر كاين الفاشلين وكاين الاذكياء
الفاشل تتلقاه محدود و مؤطر ايديولوجيا، و نفسيا، و فكريا و على كافة الاصعدة
الفاشل هو شخص ما صنعش واحد لازون واسعة فين يبني حياتو كما بغا ما تعلمش ما تشجعش انه يخرج من الصندوق لي تيعيش فيه و يشوف العالم بنظرة اخرى و يكون خلاق و مبدع ..
مثال (المريولين) مثلا تتلقاه تيلعن الحظ لي جابو لهاد البلاد تيأمن ان ابواب السعادة مغلقة و الفرص سالات في هاد البلاد و الطريقة الوحيدة لي عندو هي اعتراض الاذكياء و البسطاء و سرقتهم تحت التهديد ... اولا تتلقاه خدام بالف و ربع مية و تيبرر الفشل ديالوا بانه ما قراش مزيان و بلي هذا مكتوب الله و بلي الحسد و العين و السحر ...
ولا تتلقى داك النوع العدمي لي ما قادر حتى ينوض من بلاصتو لانه تزاد في مجتمع كحل زحل الخ ...
لا ننكر ان المجتمع سلبي و الظروف قاهرة، ولكن حتى نت انسان فاشل ببساطة .
في الهند 15 ٪ من السكان تيعيشو على الانترنيت صناعة محتوى، و تطبيقات، و مقالات و كل ما تيتعلق بالبرمجة و تداول العملات ...
هاد الناس اغلبهم ما خداوش تعليم مقود و الظروف في مجتمع بحال الهند لي فيه اكثر من مليار راس اصعب من ظروف المغرب لي فيها ستة و ثلاثين مليون نسمة .
هاد الناس في داك المجتمع يعتبرون الاذكى حتاجو حاجة وحدة فقط باش يطورو من راسهم : تعلم اللغة الانجليزية لي تينطقوها بطريقة غبية و لي تعلموها فقط في المنازل ديالهم عن طريق الويب، و ايضا البرمجة و تداول العملات لي ممكن تلقى دروس مجانية متاحة في النت تعلمهم فيها ولا ممكن تدير دروس خصوصية، ممكن الى بغيتي تثقف راسك تلقى الاف الكتب في كل التخصصات مجانا ...
هاد الناس تعلمو من الظروف انهم يكونو مقودين و انهم يجتاهدوا لبغاو اوصلو لاحلامهم بعيدا عن عقلية الضحية و البكاء ديال العاهرات المقزز و المقرف ...
انا ملين تنشوف شي مغربي فاشل و تيبكي بحال العاهرة تنحس بالتقية و الاشمئزاز لانك فاش كان عمرك ما بين 17 و 29 كنتي عاطيها للتصلگيت البلية و القهاوي و مدور راسك بالفقراء الفاشلين و الناس السلبيين المحدودين لي تيعرفوا فقط طريقة وحدة للعيش ...
عيب المغاربة هو التفكير نمطي لي تقريبا تيتورث، ما كاينش المرونة في هاد المجتمع ابدا ...
تعرف شحال تنكون فخور فاش تندوي مع شي بنت و تتقول لي انها تتعلم لغة البرمجة .
تنحس بالفخر ملين تنجلس مع شي دري خارج من سادس ابتدائي و تيتعلم لغات اجنبية و باغي يدخل لمجال الربح من النت ولا عندو فكرة انه يدير مشروع حر و يخدم فيه .
شخصيا جلست مع واحد الصديق في قهوة كنت تنخدم معاه في لوزينات و خونا تعلم لغة البرمجة و كان تيربح ثمن الاف ريال في اليوم و ما زال عاد مبتدئ .
الذكي هو الانسان لي ما محدودش فكريا و ايديولوجيا و ثقافيا ... تتلقاه مرن عندو وجهات نظر وجودية مختلفة على القطيع، عندو فكر مستقل ايضا، ايجابي و تيوسع الاحتمالات ديالوا ما تيقولش انه كاينة طريقة وحدة فقط للحياة ملين تيتعلم اي حاجة في الحياة بشجاعة ...
تيدوز تجارب وتيتعلم من الاخطاء ديالوا و تيطور ما تيبكيش ما تيشكيش و ما تيبررش .
ما تقولش ليا ما قراونيش ولا خرجوني من المدرسة نت لي ما بغيتيش تقرى و تعلم و توصل لداكشي بي بغيتي ... بعيظا على الدولة ناس خدامة حرة تتربح افضل من استاذ .
كلشي متوفر حاليا بالمجان، ما تقولش لي الوقت صعيبة نت لي محدود و ضيق فكريا و نفسيا ... الخ الخ .
ما هو رد فعلك؟
