نظرية أرسطو حول ثبات الزمن

كان أرسطو كايشوف الزمن على أنه حاضر دائم التغير...
يعني المستقبل و الحاضر و الماضي كاملين كاينين فالحاضر...
عام 160 ميلادي ، وصف الإمبراطور ماركوس أوريليوس الزمن بأنه نهر من الأحداث العابرة...
في القرن الماضي، ألبرت أينشتاين جاب مفهوم جديد على الوقت و قال بلي الزمن هو محصلة لمؤثرات خارجية و أن الزمن نسبي ، كيتباطأ عندما تتحرك الأشياء بسرعة فائقة...
أبرز مثال على هد القضية هو نظرية التوأم لي معروفة...
جوج توام واحد غادي يسافر بسرعة الضوء للفضاء و واحد غادي يبقى فالأرض...
هداك لي سافر غادي يرجع يلقى خوه كبر منو ،هنا كل واحد منهم عاش فزمن ديالو الخاص بيه...
كاين واحد العلماء كايأمنو بواحد النظرية لي سميتها  الأزمة الكبيرة كايقولو بلي الوقت غادي يرجع بلور مين الكون غادي يوقف عن التوسع و غادي يبدى بالتراجع و حتى الوقت غادي يتراجع معاه...
مثلا الشجرة غادي ترجع نبتة و من بعد ترجع بذرة الى أخره...
وغادي يرجعو الحروب الصليبية و الديناصورات الى بداية الإنفجار العضيم...

هد العلماء كيأكدو النظرية ديالهم  بدليل انه لا يوجد في قوانين الفيزياء ما يشير إلى أن الوقت يتحرك في الاتجاه لي كنعرفوه ، مما يعني أن الوقت قد يتحرك بسهولة في اتجاه معاكس...

جوليان بربور  عالم فيزياء بريطاني كايقول بلي ماكينش ماضي وحاضر و مستقبل بل أن الزمن عبارة عن أحداث حالية بما يسمى ب (nows)...
 كايقول أيضا أن كل ما يتراكم لدينا حول الماضي هو مجرد وهم يتكون في عقولنا...
و إن الدليل الوحيد الذي لديك عن الأسبوع الماضي هو ذاكرتك...
 أن كل ما لدينا هو هذه السجلات فقط عن ما يسمى بالماضي ونحن نملكها فقط في ما يسمى "الآن" الحاضر...
هد السجلات أو الذكريات كل واحد كايرتبها فعقلو  حسب أي معلومة جديدة عرفها و كايبقى واحد التراكم حتى كاينسى أغلب الذكريات بحال عمر تعاشو...

علاش العلماء غادي يأكدو هد النظرية ديالهم بواحد التجربة لي كاتقنع شي ناس بأنهم خاضوا تجارب لم تقع قط...
 عالمة النفس، إليزابيث لوفتوس غادي تدير تجربة وتجمع مجموعة من الناس فواحد الحفلة ، غادي ينشطو يضحكو و ياخدو صور...
غادي دوز مدة و تجمعهم العالمة باش يحكيو ليها على الحفلة...
غادي توريهم صور مفبركة فيهم بنت صغيرة لي مكانتش فالحفلة من الأساس...
غادي تزيد تأكد القصة مين شي واحد كايعاود كاتقوليه اه شفتكم تهضرو والبنت دازت من حداكم...
غادي دوز مدة و تعاود تجمعهم ...
جميع المشاركين فتجربة أكدو وجود البنت و عاودو عليها ذكرايات مشتركة...
و هاكا قدرت تخلق ليهم حدث مزيف عمرو وقع لكن عقلهم ألف قصص عليه بلي كاين...
هد العالمة  كاتقول المنطقة المسؤولة عن ذكريات الماضي هي نفسها المنطقة المسؤولة على تصور المستقبل...
يعني كاين خيط رفيع بين ذكرايات الماضي و شنو كتخيل المستقبل ديالك...
هد الناس كايقولو بلي الزمن مجرد عامل ثقافي خلقناه باش نفرقو بين الأحداث...
عالمة النفس كريستينا أتانس غادي دير تجربة فهد الصدد...

عطات  لأطفال صغار فطائر  المالحة...
و خيرتهم ما بين الحصول على المزيد من الفطائر أو الماء...
 واختار الأطفال بالطبع الماء لشعورهم بالعطش بعد تناول الملح...
لكن ملي سولتهم واش غدا  يفضلو ياكلو الفطائر أو يشربو الماء...
ختارو الماء حيتاش الأطفال الصغار مايمكنش ليهم أنهم يتصورو أن شعورهم في المستقبل غادي يختالف على شعورهم في اللحظة الآنية...
كايأكدو النظرية ديالهم عن مفهوم الوقت أيضا عبر ما يسمى بزمن النفسي 
الى كنتي كتحس أن الحياة تمر سريعا، فهذا يدل على أن حياتك مليئة بالأحداث...
لكن الى كنتي كتحس بالملل أو الضيق أو الوحدة أو بأنك منبوذ ولا كنتي تسنى شي مقابلة عمل غادي يدوز الوقت طويل...
واحد التجربة كتأكد  هذ شي دارها العالم ويتمان...
شد مجموعة من الناس دخلهم لبيت قاليهم ماديرو والو...
و مجموعة أخرى كانو عندهم وسائل التسلية...
بجوج بيهم كلسو 7 دقائق...
لي ماكانو يديرو والو قالو كلسنا 20 دقيقة و لي كانو مسليين قالو كلسنا 2 دقايق...
هد الحقيقة عرفها بلينيوس الأصغر عام 105 ميلاديا
عبر قولته  أن الأوقات كلما كانت ممتعة، بدت كأنها تمر سريعا...
لي كايزيد يأكد أن الزمن موجود غير فالمخيلة ديالنا هو واحدة من أغرب القبائل ،قبيلة أمونداوا في الأمازون...
عند إكتشاف هد القبيلة غادي يقولو العلماء بلي هدي أول مرة فالتاريخ غادي يلقاو حضارة معندهم مفهوم الوقت...
هد الناس خارج إطار الزمن و كاينظمو حياتهم عبر الأحداث و ليس الزمن...
معندهم مصطلحات زمنية فالقاموس ديالهم و كايحددو عمر الإنسان عبر أسماء...
الطفل الصغير كايكون عندو إسم مين يوصل لمرحلة المراهقة كايعطي إسمو لخوه و ياخد إسم جديد و هي غادية...
كايعرفو الليل و النهار لكن عندهم يوم يتكرر الى ما لا نهاية...
حاولو العلماء يلقاو ولو مفهوم بسيط للزمن عندهم ، مالقاو والو...
كاين جوج جزر بيناتهم 3 كلم واحدة تابعة لأمريكا و وحدة تابعة لروسيا بيناتهم 23 ساعة و 59 دقيقة و59  ثانية...
الصين فارضة على الصين كلها رغم كبر مساحتها يخدمو بتوقيت بيكين...

سنة 1886 كانت كل مدينة أو منطقة عندها توقيت ديالها و كانو القطارات كايخرجو حسب وقت المنطقة شي لي كان السبب فوقوع حوادث كثيرة ديال القطارات...
الأمريكان غادي يفكرو يقسمو بلادهم لمناطق زمنية لا تعكس الوقت اليومي الحقيقي باش يتفاداو الحوادث
يعني هد الزمن لي خدامين بيه اليوم ماشي كوني بل مجرد وقت تجاري...

 الوقت مجرد عملية تكرر نفسها، ومن قياس حركة دوران الأرض من الساعة الشمسية،قسمنا اليوم إلى ساعات، ومن خلال دقات النواس قسمنا الساعة إلى دقائق وثواني، والأرض تدور حول نفسها كل يوم دورة واحدة ومن خلال هذه الدورة حددنا اليوم وحددنا السنة أيضًا من دوران الأرض حول الشمس...
الوقت صناعة بشرية باش ينظم الإنسان حياتو  لكن الى جيتي تشوف فساعة مجرد تكرار الى ما لا نهاية...
مكاينش شي قياس حقيقي لزمن باش نقدرو نتأكدو من الوجود ديالو...
ربما الماضي موجود فقط في مخيلتنا و ربما حنا كائنات كاتعيش الأن و غادي تموت الأن...
عيش اللحضة و ماتبقاش تحسر على شي حاجة لي كاينة غير فعقلك...