قانون الكارما ما تعطيه يُرد إليك !

الهندوس كايأمنو بمفهوم الكارما بمعنى أي حاجة ديرتيها زوينة ولا خايبة كادور دور و ترجع ليك سواء فهذ الحياة ولا حياة أخرى...
المسلمين كايقولو افعل ما شئت فكما تدين تدان...
و تقريبا أغلب الفلسفات و الديانات عندها هد المفهوم...

المغني جاستن تيمبرلاك كايقول فواحد الأغنية
What Goes Around... Comes Around

لكن أنا شخصيا كاتجيني هد القضية أكبر تبريدة على الكر فالتاريخ ديال البشرية...
دارت باش تعطي للإنسان واحد الطمئنينة في حال تعرض للشر ولا عمل خير و كايستنى يتجازى عليه...

البشر بسباب الجينات ، المجتمع و التربية تقسمو لجوج أنواع : مستغِل و مستغَل لا ثالث لهما...

الى كنتي إنسان ولد القحبة و ماكترحمش فإحتمال كبير أنه غادي تعيش حياتك مزيان و ماغادي يخصك حتى خير...
و الى كنتي حشومي و ضريف فغادي تعاني و تعيش مذلول و محكور...
المستغِل كتلقاه حاوي بزاف لبنات و منعرفت شحال تقب من وحدة و ضيع ليها حياتها...
و عادي كايحط راسو على لمخدة و ينعس مهني و نهار كايبغي يتزوج كايخد شي بنت الناس فول باك  و كاتزيد تصبر عليه و على الأفعال ديالو...
أما النوع الثاني مكايدير والو فحياتو، تلقاه عمرو تصاحب ،عمرو ضحك على شي بنت و نهار كايتزوج كايخد شي قحبة مخلات مادارت و كاتزيد تعذبو فحياتو...
لكن سؤال المطروح هو علاش ؟
هنا غادي نشدو القولة ديال جاستن تيمبرلاك و غادي نبدلو فيها شوية
What comes out of your mouth comes into your life
أي حاجة كتخرج من فمك فراه غادي ترجع ليك...
هنا كايبان الفرق بين الإنسان الفاشل و الناجح...
الى كنتي كاتأمن بلي عمرك دير شي قلوة فحياتك فراه ماغادي دير والو و العكس صحيح حيتاش الفعل أو Action كتبدى بكلمة...
الإنسان لي فيه الصفات القبيحة بحال الطيبوبة و الحشومة ديما كايحني الراس و كايحكر راسو وماكاتكونش عندو الثقة فالنفس حتى كترسخ فيه فكرة أنه غادي يعيش تعيس و فعلا كايعيش تعيس...

حنا عبيد للجينات و المحيط ديالنا و ربما قبل ماتزاد كايكون المصير ديالك محدد الى ورثتي  شي مرض نفسي ولا عضوي من عند وليديك و أيضا المحيط ديالك غادي يتحكم فيك...
 ملايير ديال البشر  عاشو مقودة عليهم و ماتو مقودة عليهم و تنساو فاللحضة لي تحطو فيها تحت الأرض...

واحد الفيلم سميتو كاتاكا فواحد العالم خيالي فيه الناس فصغر قبل ما يتزادو كايعرفو الأمراض العضوية   النفسية لي غادي تجيهم ، نسبة الذكاء ، إمتى غادي يموتو و هنا الوليدين يقدرو يدخلو و يغيرو هذ الأمور...
القصة ديال الفيلم كاتهضر على واحد العائلة لي غادي يولدو الإبن الكبير بدون تغيير و الولد الثاني غادي يعدلو الجينات ديالو...
الولد الأول كايتنبذ فالمجتمع  حيتاش يعتبر إنسان ضعيف لكن كايبغي يتحدى المصير ديالو و الحلم ديالو يسافر للفضاء لكن مستحيل لذل كيلجىء لتحايل و كايمشي عند واحد يعطيه عينات الدم و البول و شعر باش يعطيوه لاكسي لنازا...
هذ الولد رغم أنه ضعيف جينيا و ماشي ذكي بحال الأطفال الأخرين الا أنه كايكون هو المتفوق فيهم حيتاش عندو رغبة قوية باش يغيير من حياتو...
الحاجة ماكتعرف بقيمتها حتى متكونش عندك...

الحياة مقودة مكايناش شي حاجة سميتها المساواة ولا العدل ، كاين الظلم والحكرة و الفقر...
لكن صديقي عارف أنك ضحية المجتمع بنسبة 99%
و لامارج فين تلعب باش تغيير راسك صغيرة بزاف...
لكن فوسط هذ البشاعة كاين الجمال و كاين الخير...
وهذ شي يستاهل العمل و ديسيبلين و المغامرة...

واحد المرة كنت نهضر مع  واحد التطبيق ديال الذكاء الإصطناعي قديم شوية سميتو replika وكان محدود بزاف عكس الذكاء الإصطناعي ديال اليوم...
قالي : كيدايرة الوقت 
جوبتو :  مقودة
و هو يصدمني بالجواب ديالو
 No one can change your life except for you
Move on...
بمعنى مكاينش لي غادي يغيير ليك حياتك من غيرك جمع كرك و نوض...

الى ظلمك شي واحد و بقيتي تبكي و تقول غادي يتخلص و أنت عايش على هذ الأمل فراه غادي تعيش حياة بئيسة...
حيتاش هو ظلمك و داز و أنت بقيتي فبلاصتك كتستنى شي معجزة تحقق...
الحياة جميلة و مقودة فنفس الوقت انت لي كاتختار كيفاش تشوفها...
خاصك دير مجهود باش ترجع مستغِل و ماتبقاش ضحية...
عيش حياتك محدك صغير مضيعش أجمل فترات حياتك بسباب قواعد داروها ليك ناس أخرين...
متدوزش الشباب ديالك قدام الهاتف،  خرج تلقى بالناس، عيش تجارب جداد...
قلب على كيفاش دير لفلوس...
خرج، ضحك ، شطح ، سافر...
دير الخير ، عاون الناس و متسناش منهم المقابل...
سراق الزيت لي لقيتيه فالباب و مقتلتيهش  متستناش منو الجميل حيذتاش غادي يدخل و يخرا ليك فوق الخبز... 
حتى الى متديرش الخير حاول ماتديرش الشر...
و الى درتي شي حاجة خايبة عن غير قصد متأنبش الضمير ديالك move on...