الطيبي :كبار السن من الرجال أكثر تقبلا لاندماج المرأة في الرياضة و الشباب في تخبط ثقافي !
جيت القهوة فالوقت بدل الضائع لقيتها عامرة بجهههد و هاد لشينتيو هي باش كانت عامرة القهوة
رجال من الثلاثين عام لفوق و أغلبهم من الخمسين لفوق هاد الصورة خديتها تا سالا لماتش أما راه كانت عامرة الدنيا و أنا كنت كنتفرج واقف
كنعرف النص فهاد عباد الله و كنجي لهاد القهوة كل نهار عمرها كانت عامرة هاكا إلا فالماتشات دالكورة د المنتخب و لا راجا و لا لوداد و لا لبارصا و لا الريال
باش تكون عامرة بناس فهاد فلاج رجال على ماتش تاع كرة د العيالات راه دليل واضح على أن المغرب الشيب ديالو حسن من شبابو
با وباك و عمي و عمك و جاري و جارك راجل كبير يعني من عصر الضلمات و مطارحش شي نقاش فكاهي ديال الكوزينا و لا لعيالات معريات فالتيران و لا مالها على داك الحجاب النص نص
جاي كيتفرج و كيشجع الاشكال أنهم كانو كلهم كيشجعو و كيقولو تبارك الله عليهم تقاتلو الله ينصرهم و بقى فيهم المدرب حيت كان كيبكي و تعاطفو
نفس المدرب لي كدخل لفيسبوك كتلقى شي وحدين كيقولو ليك كيعنق لينا لعيالات شوف على حالة
هادشي كيدل على جوج أمور تاني
الأمر لول أن المغاربة فيهم مول النية لي هو المغريبي القح لي كيفكرش فشي حاجة خايبة و كيتفاعل عادي مع امور البلاد و العباد و هادو هوما الدقة القديمة تاع المغاربة
و فيهم المغاربة الجدد لبراهش لي توهبو و تمركنو و حماقو و ضاخو مع كرهم لدرجة مابقاوش بنادم ولاو خرية جارية كتمشي فالأرض
و عاد كاين واحد النوع خارج التصنيف لي هو كيمثل فالفيسبوك المثالية و الدين و داك القلاوي لأسباب مجهولة و كيبقى يهضر على المغرب فحالا كيهضر على شي سعودية
أما المغرب عمر رجالو كان فيهم شي عقدة نقص من ناحيت العيالات و ديما كنا مجمتع مافيه تا ريحة التفرقة الجنسية
حتى جاو الوهابين و مصورو تا قلوة و دابا جاو وحدين قود لي هوما ريد بيل و صحاب اندرو طاط لي كيحسب ليهم صافي فهمو الحياة
اما المغرب هو هدا راجل كبير خارج كيتفرج فلاعبات المنتخب و كيشجع دون التفكير أو محاولة التفكير فشي حاجة
مكطيحش ليه أصلا فراسو تا شي فكرة من هادو لي كناقشو حنا فالفيسبوك
تقولو بلاصتهم الكوزينة يقولك و مالها أوليدي راه غتكون مهلية فوليداتها يلا عندها راها تجي من الكورة و طيب ليهم
تقولو شو حجاب لاعبة كي داير يقولك راها مسكينة مغطية رجليتها شبغيتيها دير الله يعاونها راها لعبات لعبات تبارك الله
ما هو رد فعلك؟
