هل حقا الملحدين و اللادينيين أكثر عرضة للاكتئاب ؟

كاين بعض رجال الدين لي كي قولوا ليك أن الملاحدة واللادينين كي تصابوا بالإكتئاب فاش كي تركوا الدين وهذا دليل قوي على أن الطريق لي مشاو فيها غلط وكل رجل دين كي حاول يدافع على حقيقة الدين ديالو بصفة عامة وعلى ضرورة التدين بصفة خاصة.

فعلا بزاااف ناس بعدما خرجوا من الدين سواء الإسلام أو غيره من الديانات وقعات ليهم بعض الأزمات النفسية سواء مؤقتة أو دائمة والسبب ماشي هو الدين في حد ذاتو بقدر ما الحقيقة الصادمة لي كي عرفوها بعد سنوات من الايمان واليقين المطلق لي كانوا مآمنين بيه.

فلو أنك تربي طفل من الصغر ديالو على عدم وجود إله مثلا وأننا موجدون في هذه الحياة نتيجة للتطور والرابط الذي يربط كل الكائنات الحية فوق الأرض فلن يكون لديه أي مشكل مع ذلك بعد أن يكبر لكن أن تربي طفل صغير على الدين والإيمان وعلى طقوس ديانة معينة وبعدما يكبر يبدا يدخلو الشك في الحقيقة التي كان يؤمن بها لسنوات هنا فين كتجي الصدمة لي كتزعزع ليه الكيان ديالو ولي ممكن تخلق ليه عدم التوازن وكاين لي ممكن يمشي تال الاكتئاب أو الانتحار لأنه فاش كي خرج من حالة التدين ما كيبقاش يعرف كيفاش يعيش ... بطبيعة الحال نحن لا نعمم لأن الكثير من ناس تجاوزو هاد المرحلة وتقبلو الحقيقة الجديدة لي ولات عندهم كياقين آخر.

وفي هذا الصدد يقول نيتشه :

"لا تحرموا الإنسان من الكذب، لا تحرموه من تخيلاته، لا تدمروا خرافاته، لا تخبروه الحقيقة، لأنه لن يتمكن من العيش من خلال الحقيقة".