عبدو بوتفادين يتحدث عن التنمر و التركيبة النفسية للمتنمر

أنا منطقيا كنآمن بلي لي كيتنمر على شكل الآخرين إنسان غير محترم وغير ناضج بتاتا وهدشي طبعا نتيجة انعدام العمل العقلي عند داك الشخص.. 
حيث دبا المشكل هو اي واحد ماخلق راسو وماختارش الشكل للي غايكون فيه، لدرجة كاين لي تولد حتى بجوج رؤوس حيث العشوائية حاضرة دائما فتكوين جسم الإنسان والحيوان عموما، واي واحد مهما كان جميلا لابد تلقا فيه نقطة عيب...ويلا مكانتش ف الجانب الشكلي كتلقاها ف الجانب النفسي، وبالتالي هداك للي كايضحك عليه راه كايلحق ليه اقصى أنواع الظلم والألم حيث هو معندوش تحكم فدكشي وحتى واحد ماكره يكون مثالي خالي من العيوب كاع، ولكن الغريب فالأمر هادوك للي كايتنمرو كتلقاهم أشخاص عامرين بالعيوب وهذا هو الأغرب فالمسألة... 
ولكن انا من زمان كنلوح صوري وكنتعرض فيها للتنمر عاد كانزيد نبين العيوب لي فيا، صراحة معرفت علاش عندي مناعة ضد التنمر بحيث كلما تنمر شي حد عاد كيجيني ضحك هستيري خصوصا يلا كان مبدع فالتنمر وماعمري عقلت نسب شي حد ولا نبلوكيه، لكن هدشي ماشي بالضرورة هو نفس شعور الآخرين ، دكشي علاش ملي شاركت صورة فتاة كانشوفها جميلة ويجي شي قواد يكتب تعاليق خروانية فراه بصح حسيت بالاستفزاز وكاع لي تنمرو عليها مسحت زبورمهم ودخلت بلاصتهم شي تيتيزات شحال هادي مصيفطين وكيتسناو  عاد جات الفرصة...