جمال حور يتساءل : لماذا يرفض الشلوح التجديد؟ العربي إمغران نموذجا

لا بأس بجلد الذات ومراجعتها بين الفينة والأخرى فالأمر صحي عكس ا يظن البعض ..

باش تعرف أن الجمهور الأمازيغي يشجع المحتوى ديال تمازيغت غادخل لصفحة الفنان العربي إمغران وقرى تعاليق الجمهور الأمازيغي.. العربي الرايس  خدا قرر أنه يطور راسو وارتقي به وتحول من الرايس إلى بمفهومه الشعبي الأمازيغي إلى فنان .. ولا العربي كايطلب الثمن إلى غايمشي لشي سهرة ودار مدير فني الأعمال .. ولعب على المظهر ديالو ولا كايختلر لباسو بعناية وحتى إلى غايلوح صورة فالصفحة ديالو كايختارها بعناية .. كاتلقى تعاليق الشلوح .. تبلدتي الگربوز .. كانشم رائحة قوس قزاح .. حتى شرفتي عاد بدا كايمشي ليك العقل .. اش هذ الحالة داير فراسك .. خليك فصباغتك .. والكارثة العظمى أن جل المعلقين كاتلقاهم جمهور ديال العربي وكايسمعو ليه ولكن مخاصش نعمة الله تبان عليه .. زمان قبل مايكون لا التلفاز ولا الراديو ولا حتى شي وسيلة باش إوصلو الروايس الفن ديالهم .. كانوا كايتجمعو بالرباعة وكايركبو على البغال وكايدورو فالدواور وكايلعبو فشي ساحة وكايجمعو ليهم أهل الدوار داكشي لي قسم الله من شعير وثمر واللوز والزيت والدقيق ... هذ النظرة على الفنان كيفما بغى يكون نوع الفن لي كايقدم  ترسخت عند الشلوح .. وما بغاوش إتخلصو منها .. وحتى 2023 دابا الفنان فنظر أغلبية الشلوح هو غا داك سكايري باقشيش الحمق لي ماعندو مايدار وفاشل وختار ديك الطريق  .. داكشي علاش ماعمرو غايكون عندنا شي فن أو فنان أو محتوى هادف ماحد مزال ماعندناش جمهور واعي.