بعد الضجة الكبيرة حوله هل يمكن اعتبار ثورة الفيتنس المغربي فيلما وثائقيا ؟

جي ندردشو شوية على هاد لبلان بكل موضوعية
اولا لكتلفت الانتباه ديال بنادم هي the documentary ولكن واش هذا نقدرو نعتبروه دوكمنطير!  بغيتو لجواب ديريكت اذا "لا" مجاش نقولو عليه هكاك بغيتو علاش! انا نقول لك لعندي ولعارف و العلم لله
باش نقدرو نسميوه دوكومنطير خاصو اتحيد منو بزاف ديال النواقص.. اولا منهم انه هاد الفيدو معندوش مخرج ! معندوش كادرور ! حيت تا ليكادر لمؤخودين لا يرتقون الى مستوى ديال شي عمل تقام ب 20 مليون كيما قال عبد الإله وفاش قلت لك مكاينش الاخراج يعني مكاينش  وحد الرؤية إخراجية وكيفاش غادي نخد les plans و des angles و. Mouvement باش انخد   les shoots يعني هاد الفيديو تقنيا فيه اجي حط جوج كاميرات ب des axes ديال 3/4 ما هي profil ما هي frontal.. لكن لجيتي عتبارناه فيديو عادي ديال يوتوب ولا فيسبوك مهم فيديو ابداعي فيه des plans ديال drone والمشاهيد لكانو مخدومين ب B-roll وراه مكايناش شي حاجة سميتها B-roll فالسينما ( الوثائقي)... حيت الوثائقي راه أصل السينما وأصعب إبداع هوا الإبداع ولخدمة ديال الوثائقي مقارنة مع الفيلم الروائي ولا الفيلم التلفزي..
وفي اطار انه ماشي وثائقي وانما غير فيديو عادي وحتى باش نقدرو نسجلوه في خانة ديال. Tele réalité مايمكنش حيت مكايناش. شي حاجة سمتها الواقع فداكشي..
الفيديو دار مع ربعة د الناس من الضومين د الفيتنيس ولكن توحد فيهم مصورتيش معاه فلاصال فلبلاصة لخاص يتصور فيه الفيديو باش تقدرر تحقق شوية من ديك "الوثائقي" ووتقدر تخد تما ما نسميه بالمفاجئ واللامنتظر والمحيط ديال الشخصية من غير دارو  ( كان الأستاذ ديالي ديما تيدابز معنا على هاد القضية ديال تتمشي عند شي حد وتصور معاه فالصالون ديال دارو بلا تا مبرر ولا تخد شي حاجة لي فشكل فدارو) مثلا اسامة اشارت الواليدة تاعو بلي فالسطح عندو ليزانطير واش ماشي مهم بالنسبة لك باش تخد des plans تما ! وهادشي كامل فين كيتجلى "الاخراج"... حيت الآخراج ماشي هوا champ contre champ ولا angel contre plongée كيما دار مع الام د أسامة..
وعلاش تاني هدا غير فيديو وماشي وثائقي نتا عندك قصص وعرين وعندك الأم نقطة وعرة ولكن مستغليتيهاش بشكل إبداعي لخليك بكل سهولة تنقز من فيديو ل فيلم بشكل لسلس... وحاجة خرى مكاينش الفعل ديال الفيتنيس ولا ديال طياب مكلة لعندها علاقة بالمجال لحنا تنصورو فيه ولا شي action لي على ودها دار هاد الفيديو من الأساس يعني معندها تا معنى نبقا غير  نشوفهم كيهضرو في مقابل تقدر تصور معهم كيمشيو لاصال تيترينيو تيجي يقاد ماكلة تيصور شي فيديو تاعو تيدير صطوريات تيمونطي فيديو وكيفاش. تيقاد بعدا المحتوى ديالو...
وحاجة مهمة فلداخل ديال الوثائقي معندنا منديرو بهضرتك على تكلفة الانتاج ولا شنو المشاكل لواجهوك داكشي كتقولو من بعد فشي صطوري ولا تتدير شي كريتيك لراسك وشنو. معنى ديالها انك هزيتي كارو وشعلتيه وبقيتي تتشوف فيه وتيتسلا قبل متسالي هضرتك وتعاود تشعل وحد اخر وتتبان عندك تما وحد  faux raccord لمعيقة ديال بصح ومعندها تا معنى ساعتاين ومافيهاش des plans فلبلاصة لكيرتيني فيها لوحد وكيفاش بصح تيريني وكيدوز لحصص تاعو فيها...
فالاخير تحياتي على المجهود لدار فهاد لبلان وباش تقدرو توصلو. شي حاجة لناس والاهم بلان بان ليا هي الام والأم و الأم وبلي هي كلشي لمعوناتكش مك تحاجة مغادي متعاونك بها تحيا بما تموت ولبغيتي تعرف قيمتها سول اليتيم!