نظرية فيلسوف الرواقية سينيكا عن قصر الحياة
طفي عقلك!! وعيش معايا (1). تخربيقا ديال ليوم مبازيا على مقالة كتبها واحد من أبرز سياسيين وفلاسفة الرواقيين لدازو فتاريخ ولهوا سنييكا ،هاد سيد لعاش فلقرن الأول لميلادي وكان استاذ و معلم الإمبراطور الروماني نيرو ،خلا لينا بعض الحكم، حكم لصالحا لأي زمان ومكان سينيكا كتب هاد مقالة وسماها عن قِصَر الحياة ،يعني لقصورية ديال لحياة ، كيقول فيها ان لوقت لكنعيشو ماشي قصير حنا لكنضيعوه ، لحياة بحال واحد ثروة فاش كتحطها فيد واحد مكلخ كيخسرها بزربا ، لحياة كافية باش نحققو فيها أي حاجة بغينا الا ستثمرنا وقتنا مزيان، ومنبعد كيشرح لينا سينيكا كفاش نستغلو وقتنا احسن استغلال وهنا كيهضر على الغباء ديال بزااف ديال ناس لكيضيعو حياتهم فتنظير لحياتهم يعني كيضيعو حياتهم فبلانات و توقعات فبلاصة ميعيشوها كيعيش حياتو كاملة كيماندجي حياتو وكيخطط ، ماشي كيعيش حياتو كيخطط ليها. سينيكا كيقول انه اكبر عائق فأنك تعيش حياتك هو كثرت هاد توقعات و لبلانات، علاش لانه كتخلينا نتسناو لمستقبل وتنضيعوا لحظة لبين يدينا، سينيكا كيقولك متركزش على شنو غيوقع فالمستقبل عيش دبا هاد لحظة لنتا عايش فيها هيا لمظمونة خاصك تعيشها مضيعهاش فلمقابل إلى بقيتي كتسنا شنو غيوقع فالمستقبل وبقيتي كتنظر لمستقبل يقدر تلعبا متوقع المستقبل ممظمونش.
ما هو رد فعلك؟
