ماذا سيحدث لك لو بقيت بعيدا عن البشر لمدة طويلة ؟

كاع لي تيكوليك مكرهتش نعيش فشي بلاصة بوحدي وسط الطبيعة و ميكون تواحد معايا ، غير قوليه سير ، مورا مدة ايبان ليك راجع باغي يعيش وسط الجماعة  ، هكاك علاش شي واحد تيدير تريب تتلقاه تيضرب مدة و تيرجع و تيمشي و تيعاود ، ميقدرش يريح  ، الانسان متيقدرش يريح مع الدماغ  ديالو ويبقا يسمع الافكار ديالو يوميا ، شيء مرعب للشخص ، حيث الدماغ البشري تكون باش يبقا ف قبيلة خوفا من اخطار العالم الموحش ، الانسان لفقد كونطاكت تيعني انه الدماغ باش يرتاح ايفعل خاصية الجنون و لا انفصام الشخصية  ، وهاد بلان  تديرو ولاية تكساس و عارفاه مزيان ، بما انها اكثر ولاية تيتنفد فيها حكم الاعدام ب اكثر من 92% ، قبل مينفدو الاعدام ف الشخص المحكوم بالاعدام تيطبقو عليه هاد بلان ديال انه يجردوه من الكونطاكت و يعيشوه العذاب و ذلك عن طريق زنزانة مصبوغة ب ابيض ناصح كلها و ارض بيضة تتبري و ناموسية و وسادة وغطا بيض وديما جديد و  طواليط ف نفس زنزانة ب بيض و لافابو و ممنوع تعلق شي حاجة ف حيط و لا تمتالك شي حاجة والماكلة تتاكلها ف زنزانة و الاواني غادية لبياض ، هاد لعيبة تتبان عادية لكنه مع مدة المحكوم ف الاعدام تيبدا يعيش قلق مرعب و تيولي متيقدرش يركز ، كما انه عندو ساعة ف نهار استراحة وممنوع فيها يتساطح مع شي انسان ، تيتجرد من كونطاكت ، اغلبية السجناء مع الوقت تيبداو عليهم علامات البارانويا و تيبداو يفقدو الاحساس بالواقع وباش دماغ تيحمي راسو من انه يسكت فخطرة تيفعل خاصية الجنون ولا انفصام الشخصية و المحكمة تدير هكا ردا لاعتبار لعائلات الضحية انه تيعذبو الشخص عقليا وانه باش يولي هو باغي الاعدام و تيطالب بيه هروبا من العذاب العقلي ، هكاك علاش كاع ناس لي جربو يعيشو بوحدهم  تيفشلو وتيرجعو لجماعة والمدينة حيث راه مغاديش تمشي كونتغ لاناتيغ ديال دماغ البشري …