تبياع الوهم : التنمية الذاتية و الشعوذة حلا لمرض الإكتئاب

بزاف ديال الناس كيسحاب ليهم عندهم مرض الاكتئاب. وكيغرقوا فاستهلاك مضادات الاكتئاب بدون جدوى. وكيفشلوا فعدد من المسارات الحياتية ديالهم.
بالفعل، احتقار الذات هو واحد من الأعراض ديال الاكتئاب والمانيخوليا وعدد من الاضطرابات النفسية الأخرى. ولكن يمكن يكون حالة منفصلة على هاذ الأمراض ويشكل اضطراب نفسي مستقل، ويخلق مشاكل كبيرة وعوائق اللي تخلي الشخص يفشل فأي حاجة كيحاول يديرها. وربما يمشي للشعوذة بمختلف الأشكال والمستويات ديالها بينما الحل فمنتهى السهولة: ما تبقاش تحتقر نفسك. تعلم تقدر نفسك حق قدرها، يعني ما تكونش مغرور وفنفس الوقت ما تكونش كتحط من قيمة نفسك.
هاذ الشي يمكن ليك تتعلمو. ولكن مرة أخرى خاصك تتفادى الشعوذة والناس اللي غادين يكذبوا عليك ويبيعوا ليك الأوهام باسم "التنمية الذاتية". خاصك تاخذ المعرفة من المنابع ديالها اللي هوما أهل الاختصاص: علماء النفس والأطباء النفسانيين اللي اشتغلوا سنوات طويلة على كيفية معالجة هاذ النوع من الاضطرابات .