من بنى الأهرامات هل حقا المصريون القدماء أم كائنات مجهولة ؟

الأهرامات علاش ماشي الفراعنة لي بناوهم...
حيتاش بكل بساطة التكنولوجيا لي كانت عند الفراعنة لي لقاوها و عرفوها العلماء كانت بدائية...
المعابد والقصور ديالهم كانت مبنية بطوب طيني و حجارة صغيرة و نقوشات كانو يدقو الأحجار الملونة و هد شي كان معروف قبلهم بألاف السنين...
تلقاو ألات الحفر لي كانت عندهم و الأواني كلشي كان بدائي...
العجلة لي كانت عد الفراعنة هي عود خيزران كايعواج و مايتهرسش فقط و كانو يلاقيوه...
الفراعنة كانو يستعملو الدواب...
الفراعنة كانو واعرين في النحت لكن ماشي دليل كافي...
هرم خوفو بوحدو فيه 2 مليون حجرة و أقل حجرة فيه جوج طن و أكبرها فيها 70 طن...
هديك الهضرة ديال كانو يجروهم بالشحمة فالأرض هضرة خاوية...
اليوم ماكين حتى ألة ولا ناقلة لي تهز حجرة فيها 70 طن...
خلي التقطيع الدقيق ديال الاحجار و المسلات...
بحال فصورة هد المسلة الغير مكتملة...
واش غادي تقولي كانو يقطعوها بالفاس... باينة بلي كانت شي ألة مقودة...
الصور من بومابومكو و هديك الحجرة فالسعودية لي مقسومة بدقة متناهية...
هدو كلهم ماشي بأدوات بدائية كيف كاتشوفو في الصور...
لموهيم الرواية الأصلية كاتقول هدوك مقابر و فيها وحد النسبة من الصواب...
حيتاش في شمال إفريقيا من طنجة حتى لسيناء فالماضي السحيق كانت عندهم طريقة وحدة في بناء القبور 
لي كتسمى بالقبور القلاعية وعندها علاقة بالمعتقدات السابقة...

 كانو يدفنو الميت في الأرض و كايحطو فوقو مجموعة من الأحجار حتى كايوصلو متر أو أكثر من العلو و كايجي على شكل أسطواني...

وشحال ما كان الميت ذو شأن فراه كايزيدو بنيو فوق القبر...

و أبرز مدفن معروف بهاذ الطريقة هو ديال الملك الموريطاني يوبا الثاني في الجزائر...

في مصر و السودان كانت عندهم طريقة شوية مختلفة للدفن و هي على شكل أهرام صغيرة...

سودان فيها 220 هرم لي معروفة بأهرام النوبة لي كانو يتدفنو فيها ملوك مملكة كوش...

 قصة الأهرام العملاقة غادي تبدا مع فرعون سنيفيرو مؤسس الأسرة الرابعة لي غادي يطلب من المهندس ديالو يبني ليه هرم كبير فين يتدفن...

غادي تبدى التجرية مع واحد الهرم سميتو هرم سيلا

هذ الأخير أيضا يلقبونه بالهرم المنكسر حيتاش غادي ينهار منو جزء كبير أثناء البناء...

سنيفيرو غادي يعاود يطلب من المهندس ديالو يبني ليه هرم أخر غادي تكون سميتو هرم ميدوم...

هذ الهرم غادي يعطينا فكرة على كيفاش كانو يتبناو الأهرامات حيتاش مكملش البناء ديالو لأسباب مجهولة...
سنيفيرو ماغاديش ييأس غادي يطلب من المهندس يبني ليه هرم أخر لي هو الهرم المائل غادي يستغرق البناء ديالو 14 السنة فالأخر غادي يخرج مائل هذ الهرم هو رابع أكبر هرم في مصر...

هدو فعلا أهرام بناوهم الفراعنة ولكن كانو بحجارة صغيرة...
النظرية القريبة للواقع هو الفراعنة لقاو الأهرام و أبو الهول مبنيين و غادي يحاولو يقلدوهم...
مثلا أبو الهول من الواضح أنه كان عندو رأس أسد و الفراعنة عودو نحتو ليه الراس على شكل إنسان حيتاش الراس صغير مقارنة مع الجسم و أثر النحت واضحة حسب العلماء...
نزيدو نتعمقو في النظرية...
كنت هضرت سابقا على مقياس كارداشيف لي كايصنف الحضارة ديالنا على أنها بدائية حيت يالاه كاتسخر الطاقة الأحفورية.  لي غادي تكون فوق منى غادي تسخر طاقة النجوم ديالها بحال الشمس و الحضارة المتطورة غادي تسخر الطاقة ديال المجرة و الكون...

النظرية كاتقول ربما كانو الأهرامات مولدات ديال الطاقة ديال الأرض حيتاش النواة ديال الأرض فيها طاقة عظيمة...
واحد المعبد ف أندونيسيا سميتو بوروبودور حتى هو كان مردوم بحال شي جبل...
الشكل باش مبني غريب جدا بحال مجموعة من ريزويات كبار لي كايسخرو شي طاقة...
بزاف كايتسائلو علاش هد الحضارات الغابرة كانو يبنيو بالحجارة...
الجواب هو الحضارة ديالنا اليوم الى انقارضت البشرية عندها بين 100 حتى 200 سنة مايبقى حتى دليل عليها...
الخشب غادي يرشى الحديد غادي يصدي و يرشى الخرسانة غادي تشقق و تطيح و هد شي كامل غادي يندامج مع الأرض وماغادي يبقى علينا حتى دليل على الوجود ديالنا من غير  ميكة كحلة...
هدوك الناس كانو مريكلين و بناو بمواد لي مكاتأثرش بالعوامل التعرية و بزمن علاش مزال كانشوفو صروح واقفة هدي ألاف السنين...
نزيدو نتعمقو فواحد فالنظرية لي كاتقول بلي هيروشيما ماشي أول حرب نووية في التاريخ بل كانو جوج قبل منها...
الأولى عام 536 ميلادية هد العام يصنف كأسوء عام في تاريخ البشرية...
غادي تغطى الكرة الأرضية بضباب لي غادي يحجب الشمس لمدة 18 شهرا...
غادي يموتو المحاصيل الزراعية...
و غادي يوقعو فيضانات كبيرة و غادي يموتو الملايين من الناس بالجوع و التسمم و الحروب...
العلماء كايقولو بسبب شي براكين لكن مامتأكدينش...
واش بركان ولا جوج يقدرو يديرو هد الكارثة كاملة...
العام الثاني هو 1816 لي كتسمى سنة بدون صيف...
هد العام حتى هو غادي تغطى السماء بضباب لي غادي يحجب الشمس و يتكرر نفس السيناريو...
هد العام تزامن مع حروب نابوليون...
هنا صحاب هد النضرية كايقولو بلي نحن كبشر جينا لهد الأرض ولا قدرنا نطورو تيكنولوجيا متطورة...
و درنا إبادة للشعوب لي كانت قبل عبر ضربهم بقنبلة الأولى و ستعمرناهم و البقايا لي بقاو قضى عليهم نابوليون...
طبعا كتبقى نضرية بدون دليل ملموس ولكن هد جوج أعوام مؤرخة في التاريخ و فيهم بزاف ديال التشابه بينهم و بين ضربة هيروشيما...
بحال الأطفال تزادو معاقين و ضهرو أوبئة جديدة و ضباب ديال الإنفجارات دي حجب الشمس الى أخره...

كاين واحد الكتاب ديني قبل الإنجيل سميتو سفر أخنوخ هضر على شي قوم جاو من السماء و فسدو فالأرض و قتلو الناس...
ربما حنى هوما هدوك الناس لي هربو منا في المدينة التركية و ربما حنى لي تسببنا في إنقراض أقوام سابقة و حنى لي تسببنا في الفيضان العظيم...
لبوسط الجاي غادي نهضر على المعمار الأوروبي لي لقاوه فأمريكا لاتينية و نيوزيلاندا و أستراليا و لي كايقولو صحاب هد النظرية بلي كانت حضارة وحدة عندها نفس البناء فالعالم كامل و هدموه و خلاوه فقط فأوروبا و تنسب ليهم بحال الكنيسة ديال برشلونة...