كيف نحقق التوازن الروحي في ظل الأزمات ؟
صباح نور .. صباح توازن روحي فظل هاد الازمة الوطنية
من الاهم الامور لي بغيت نوضح فهاد لجزء هو كيفاش نتعاملو مع مشاعرناا فوقت هاد الازمات .. و هاد لكوارت لخارجية ... من بعد ماشرحنا عمق هاد زلزال لمفتعل و شنو لغاية منو و انى مصالح كيخدم ... اجي نشوفو بصورة بوعي و بتوازن مع هاد لمشاعر لي كاينين داباا ...
اول شيء نتقبلو لجانب الانساني لي فينا .. او تعاطفناا مع الاخر هي را طبيعتناا .. لي ماشي طبيعتنا هي شعور بشفقة و بشعور بلفرق بينا و بين الاخر فلمستويات .. يعني شيء طبيعي تاتر بهاد لمشاهد فمواقع تواصل .. او يبكيوك مشاهد ... مترفضش تشوفهم و ماتقلبش عليهم تشوفهم هادا هو توازن ... مترفضش مشاعر كتحس بيهم ولكن كن على وعي بيهم و شنو لغاية او الاستفادة يبقاو عندك ...
تاني شيء تقدر ديرو هو تعبر على مشاعرك فعوض تلعب دور انك معندكش خوف كل ما عبرتي على شعور كتخطااه كل ما رفضتيه كيبقى معاك .. "تعبير بدون تركيز" يعني كتعبر كانك جزء من درامة و هكا كادير مسافة بينك و بين مشاعرك و خوفك ...
خلي لحالة العقلية و لجسدية ديالك فحالة عطاء ف اغلب لوقت ماشي ف استقبال .. حيت داك حالة الاستقبال كتخليك عاجز تفكر او تصبر نفسك او تتخطى شعور .. تامل معايا غير فشي جنازة .. الام متلا فقدات الابن ديالهاا و كيخليوها هي افحالة استقبال .. مكتحرك مكتاخد مسؤولية دفن او جنازة .. داك حالة الاستقبال لي كتكون عندهاا كتاخد كاع طاقات سلبية لي جايين من كاع لمصادر و هادشي كيتسبب فدمار نفسي .. عكس ماتكون كتحرك و قليلة لحضور ف ستقبال ناس ... غادي تكون خلات مساحة لنفسها تكلم و تهضر مع داتها و تعطيها .تعليمات ... من هاد لمتال هو خلي عقلك داىما فلكوارت ياخد تعليمات منك ماشي من محيط لخارجي و الاخبار و الاعلام و دجالين يسيطرو على تفكيرك
ما هو رد فعلك؟
