دور العاطفة والعقلانية في تربية الأبناء

التربية فعل مهم سوسيولوجيا ، وسيكولوجيا. فعل مشترك بين الراجل والمرا كمؤسسة إجتماعية "الاسرة" ، وكمدرسة نفسية .. الدراري الصغار محتاجين الاب بالقدر لي محتاجين الام جنبهم ، خصوصا فالسنوات الاولى فاش يلاه كا تتكون الشخصية ديال الطفل. غير ذلك راه غير هضرة ديال ولاد القحاب فالسوشل ميديا. الام كتصقل الجانب الانساني والرحيم فالطفل لي ما كيخليهش يخرج ولد القحبة ووحش بدون أخلاق وبدون ضمير ، جانب الحس والعاطفة ... والاب كيصقل الجانب ديال القوة والنبل ، والمسؤولية والمخارية على الحق ... باش ما يخرجش انسان كيتهرب من المسؤولية ، والتبعات ديال فعايلو ..

التهييئ النفسي لمواجهة صعوبات الحياة ، والتأقلم مع الظروف ، والتعامل السليم ..
فاش كيكون الانسان مربي كيقدر يكونطرولي راسو ، قادر يكون إنسان رحيم ومتعاون ، متعاطف فالمواقف لي كتحتاج هاذشي ، ويكون أشد الوحوش فتكا إذا استدعت الضرورة. إنسان مسؤول ، متوازن ، سوي نفسيا وعقليا وعاطفيا ، ولد فميليا والله يعمرها دار ، لا يخاف لومة لائم في قول الحق ، إنسان من الناحية الاخلاقية وازن. مجتهد ، مفيد لراسو وواليديه والمجتمع ..

بدون أم أو أب كيخرج الانسان يا إما حساس وهشيش وأي حاجة تهرسو ، كيواجه الصعوبات بالبكا والخنونة بدون حس المسؤولية ، وكيتهرب من المواجهة .. ولا ولد القحبة لا يعرف يرحم ولا يتعامل بنبل ويتعامل بأخلاق ، ورحمة .. إنسان شابع عقد ، وصدمات. إنسان فاسق-ي ي ليل يا عين. وبلا ما نغفل الاستثناءات ، باش ما يذكرنيش الصديق لي عزيز عليه يقولي: ما تعممش.

معا لمجتمع فيه شوية ديال الناس ولاد فاميليا ، حيث كثرو ولاد القحاب الانانيين والانتهازيين ، بياعين تراميهم. ضحايا الهدر المدرسي ، والعنف والتفكك الاسري ، والمصابين بمتلازمة الطاكوس. لنغير سلوكنا.