تعب النساء في الأعياد مجهود حبذا لو يكلله شكر و عرفان

الجانب المظلم من الاعياد بالدارجة المغربية للاسف لم استطيع ان اترجم لان المعانات النساء لها لغة واحدة عندما ينفض جموع المعيدين تبدأ دموع النواعم 

ما تعانيه النواعم بالاعياد

انت جالس على الطبلة لابس مفركس قندورة بلدية بزواق لمعلم  

الطبلة اشكال والوان من الحلوى متلقاش فين تحط صبعك على الطبلة 

بطبوط بغرير فقاص كعب الغزال غريبة صابلي وكيك على الشكال 

محمصة بالحليب والسمن والعصير بالليمون والحليب وزيد اتاي

طبعا ولادك لابسين مدوشين ماشطين ناشطين 

لكن شكون هاد السوبر وومن الي عملات هاد الانجاز والي ماحاس بيها حد !!

شكون اصلا حاس بيها راه هذا هو المعتاد  

مالها اش دارت راه هادشي كل شيء كايدير هكا امي وخالتي وعمتي وجده اين هو ام الانجاز وممكن يقول لك شنو كاديري كاع

حيت ما كانش معك في الكوزينه ما شافكش لما وجهك كان كيتحرق بالفران

شكون حس بك ولا حس بهم من قبل

وانت كل عيد خاصك تخملي الدار تدي لاولاد الحمام تمشي تشري لهم الحوايج وتصايبي الحلوه وما تنسايش خاصك تكوني مخيطه القندوره القفطان مول الدار

وطبعا الا كنت عيانه من الشقى ديال رمضان لكل صيام وقيام ونفيخ وطبيخ

كيجي مولاي العيد خصك تكوني موجده كل شيء واذا ما وجدتيش ما يمكنش تشاركي في الفرحه ديالهم 

ويتقال عليك وجه النكد ما باغياش تشركي في الفرحه

وانت مسكينه غير عييتي من شهر كله ديال التوجاد

فين هو ام العدل 

حياتنا كلها واحنا نصايبوا الفقاص والبغرير بالصابلي المالح والحلو لا علقوا لنا ميداليه ولا دارو لنا تكريم

كل ما كيقولو هو العباره الشهيره

اشنو كنت كاديري كاع ؟؟بغيت نعرف اشنو كنت كاديري؟؟

اويلي هذا الشيء كامل وما كاندير والو

وفهمي راسك واعطي بالقياس

ديري خطوه الى الوراء وشوفي مزيان

راه الافراط في العطاء مذله 

في الاخير اولادك غادي يكبروا وكل واحد منهم غادي يفشش مراتو كيف بغات وحتى واحد ما غادي يفكر فيك

ونهار يتفكر وكايقولوا مسكينه كانت كادير 

ما كناش كاع كنشري الحلوه كانت هي كاتصايبها

الغريب ان هذه الامهات المضحيات هن اول ناس كيتنساو

ونهار يفكروا الاولاد يخرجوا ويتساراو اخر وحده يفكر فيها هي هذيك الأم لانها تعودت تسمح في حقها ما تعلماتش تطلب ما تعوداتش تقول بغيت ما تعوداتش تقول جيب ارا

كتعرف حاجه واحده خذ هاك اش بغيتي ارتاح لي مع راسك

الاصل الا كانوا هذوك الاولاد ماصلين وهذاك الراجل كايقدر ذيك النعمه من بعد رمضان لازم يعمل مكافاه لذيك الزوجه

لكن لمن كتعاود الزبونك يا داود لالي سامح حاس ولا اللي شايف كيقدر

المنشور درتو بالدارجه وكلامي موجه اصحاب القندوره والصلايه اللي حضروا الخطبة العيد وما سمعوش فيها الخطيب يقول لهم بوسو يد المراه اللي طيبات في رمضان وقبل رمضان وامور رمضان المراه اللي بلا بها ما يكونش العيد

المراه الى ما كانتش ما غاديش تشوف حتى شي مظهر من مظاهر العيد

اما كلامي للمراه اذا كاديري وكاتوجدي وتنفخي وتطبخي وحتى واحد ما كايقدر ستوب ديري خطوه شوفي مزيان من الفوق وعاودي ديري تقيم الحياه كلها وعلى من كاتفني صحتك اذا كان زوج واولاد ما حسيش ولا مقدرين

لازم تعرفي هذه رساله لك من الكون باش يرجع لك التوازن لنفسك وتعاودي تقدري نفسك من جديد

واذا ما فهمتيش الرساله كولي الرغايف وبقاي ساكتة للابد.

#سالات_الهدرة

#Nawal_bellahsayn