بوتفادين :المغاربة يربون البنات دون الأولاد !

الرأي العام نوفمبر 4, 2023 0 309 أضف إلى قائمة القراءة

من خلال معاملتي مع بزاف ديال التلاميذ لاحظت بلي عمري لقيت مشكل كبير مع شي بنت إلا الناذر شي لقطات ، كايضحكو كايقشبو ولكن ديما منضبطين محترمين، مقابل اغلب الدراري مشاغبين مع وجود طبعا عدد مهم من الدراري مهذبين ومحترمين باش مانظلموش وكل واحد كيعطيك إنعكاس ديال الأسرة ديالو وتربيتو ..

فكرت فهدشي واش طبيعة المرأة هي تكون مهذبة؟ ولكن هدشي ماشي لوجيك ، ولكن السبب الحقيقي هو حبس الإناث فالمنزل مقابل إطلاق سراح الدراري للشارع بحجة الدري راه رااجل ، وخا هادي ظاهرة عنصرية تمييزية وعندها سلبيات على مستوى شخصية المرأة ،ولكن في نفس الوقت هاد الظاهرة بطريقة غير مباشرة حافظات على بزاف ديال البنات من مساوئ الشارع حيث شارع المغرب ملوث أخلاقيا بزاف..وهدشي مقابل فساد بزاف من الدراري لي مكايدخلوش للدار فالوقت بحجة هوما راه رجال ، وهاد الظاهرة العنصرية كتعطينا نتيجة ديال أغلب البنات مربيين حيث مامتأثرينش بزاف بثقافة الشارع بينما اغلب الدراري مربيين فالزنقة ، وبالتالي المغاربة بطريقة غير مقصودة كيربيو البنات ومكايربيوش الدراري... وبمعنى آخر المغاربة عندهم بنات مربين بالصدفة،!!..

ولكن من ناحية علمية إجتماعية راها بحال أي ظاهرة في الحياة عندها سلبيات وايجابيات وخا راه خصك تدرس الظاهرة مزيان باش تعرف واش الإيجابيات لي كثر ولا السلبيات ، وهنا كيبرز دور علم الاجتماع أو ما يسمى بالسوسيولوجيا ...

وفي النهاية هدشي راه لا يعني أنه سلوك المغاربة زوين، لا طبعا كتبقى ثقافة عنصرية رغم كل شى، وخص الإنسان يحافظ على ولادو بجوج من الثقافة والتربية ديال الشارع يلا باغي يطفرها ،ويعبر لولادو على أنهم بحال بحال متساوين فالواجبات والمسؤوليات ماشي هو رااااجل يدير ما بغا وهي بنت تخشى فالكوزينا....وملي يخسر يتحمل عساس ديال الثانوية الخرا ديالو ...