بوتفادين ينتقد العقلية الإسلامية التي تطبق الشريعة على النساء فقط

هاد النوع للي عندو العقلية ديال يتدخل فحياة هاد السيدة بالضبط وينتقد الاختيار ديالها فاللبس، راه أغلبيتهم كايبان ليهم تطبيق الشريعة غير فالمرأة، بحال يلا هاد الشريعة بسلامة نزلات غير على المرأة بوحدها باش طبقها ...كتلقاه زبو مو لابس دجين مشرg ,ولا الشورط وتيشورت ونضاضر وضارب تحسينات ديال الكفار،ولكن فنفس الوقت باغي لبنت تلبس لبسة ديال عائشة فالقرن السابع الميلادي ...مالك نتا ما تلبس لباس الرسول والصحابة عمامة وإزار ..؟!!!
كيدير راسو زعما عايق فايق وذكي بزاف وكيلاحظ داك التناقض ديال اللاعبة لي لابسة زيف ومخلية فخادها ومعنقة المدرب...يعني ما هذا الحجاب؟
ولكن راه هو مكايشوفش راسو نهائيا ،هو أعمى في مايخصه...بحال داك صغير الجمل لي لاحظ على مو بلي عندها حدبة فوق ظهرها وكايحسب ليه هو راه ماعندوش ....هاد النوع كتلقاه هو بالضبط كيدير كاع الزبايل على سطاعش ..كيغش كيكذب كينافق كيغدر كيكمي وكيشرب وكيزني ويلوط ويتحرش ويدير الربا ومكيصليش الفرائض ،ويخالف كاع أحكام الشريعة الإسلامية وفلخر كيهز الصلاية ديالو ويلبس جلابة بيضة ويمشي لجامع نهار الجمعة ، ورمضان كيصوم مع راسو وبيخير...كتلقاه نهار الجمعة لابس فوقية وهازها حتى كيبانو سيقانو المزغبة وضارب شورط وتقاشر بيض وصندالة ...
واش زعما هذا ماشي تناقض صارخ وأغلب دين ربكم هكا داير أسلوب الحياة ديالهم ؟علاش بالضبط كتبان ليكم غير فالمرأة؟ 
ويا حسرة كنهضر على لي كيداعيو الثقافة والانفتاح على العالم وقاريين الكتب ...باش شي واحد يلبس واحد الخرقة بالطريقة لي بغا ونشر الصورة ديالو ونوريه كيفاش يلبس راه خص نكون ف قمة الوقاحة وقلة الأدب...
هاد أشباه المثقفين مزال مكايفرقوش بين تناول ظاهرة معينة كموضوع للنقاش وما بين تناول شخص معين للنقاش ..واحد الشخص بعيد عليك ختار يعيش حياتو وفق ديك الظاهرة وخا تكون في قمة التناقض والمرض ولكن هو فرحااااان بها عاجبو راسو ..تمشي نتا تخشي ليه كرك فحياتو  وتقودها عليه ودير بيه طريق باش تنتقد ديك الظاهرة الاجتماعية .. راه سمح لي خص نشدو الصف بنظام وانتظام ونجيبو داك الشخص  يعطينا الإشارة نبولو عليك ...