تفاصيل برنامج دعم السكن المعلن عنه في الديوان الملكي
دعم السكن الاقتصادي مستقبلا مبقاش وجا بلاصتو حاليا دعم مباشر لي غادي يخرج لحيز التنفيذ بدخول سنة 2024 والدعم غادي يكون كالتالي :
• شريتي دار ثمنها أقل من 30 مليون غادي تستافد من دعم بقيمة 10 ملايين.
• شريتي دار كي تراوح ثمنها ما بين 30 و 70 مليون غادي تستافد من دعم ديال 7 الملايين.
هنا فين غادي يبدا التخلويض لأنه في الظروف الحالية مستحيل تلقى دار جديدة في الاقتصادي من دون دعم من الدولة كتسوى 30 مليون أو أقل.
كان ممكن يطلعوا السقف الى 40 مليون على الأقل بالنسبة لدعم ديال 10 المليون ولكن هما ضروري يديرو ليك شي تخربيقة غير منطقية باش يفتحوا لباب للتخلويض ... يعني عندك جوج الحلول يا غادي تكون نزيه وتشري دار لي اتكون ساوية أكثر من 30 مليون وتستافد فقط من 7 المليون دعم أو غادي تخدم تنتا شوية التخلويض وتافق نتا ومول الشكارة يدير مع في العقد فقط 30 مليون باش تستافد نتا من 10 المليون دعم وتعطيه ما تبقى في نوار.
الشروط : ميكونش عند السكن وميكونش سبق ليك استفدتي من عملية شراء السكن المدعم القديمة.
ما هو رد فعلك؟
