أغنية متهمة بمعاداة السامية بإسرائيل !!

اسرائيل بحال شي قحبة و قوادة فنفس الوقت، تيتاقيوْ شرها سكان الدرب حيث عندها علاقات مع السلطة و أشخاص نافذين فالقضاء، غا للي تكلم عليها تيلصقو ليه التيكيت ديال معاداة السامية.
الشهر للي فات كان نقاش اعلامي تافه فإسرائيل على أغنية جاك بريل "البورجوازيون" قاليك اللازمة للي تتعاود فالأغنية المضمون ديالها تيحرض على معاداة السامية!
اللازمة المعنية تتقول " البورجوازيون كالخنازير، كلما شاخوا (أو تقدموا في السن)، صاروا أغبياء".  les bourgeois c'est comme les cochons, plus ça devient vieux plus ça devient bete(ايلا بان ليكم شي يهودي تيتسرهط فهاد اللازمة قولوها ليا) و امشاو رجعو تينبشو فأواخر القرن 19 و جبدو الهتافات للي كانو تيرفعوها المتحمسين لمحاكمة الجندي الفرنسي من ديانة يهودية "درايفوس" و للي دارو حملة على الأديب ايميل زولا، حيث هاد الأخير دافع على الجندي على اساس انو ماشي هو للي سرب وثائق عسكرية سرية للألمان ملي كانو داخلين فداك الوقت فحرب ضد فرنسا و كان زولا زعزع القضاء و الرأي العام الفرنسي بالمانيفيستو للي انشر تحت عنوان " أنا أتهم" تيدافع على الجندي و دفع ثمنو بالنفي خارج فرنسا...
المؤيدون لإنزال أقصى العقوبات بالجندي درايفوس كانو دارو حملة على زولا و رفعو شعار " زولا كالخنزير، كلما تقدم في السن، صار غبيا"، المهم اسرائيل القحبة المدللة و من باب "حك ليا زكي ولا نبكي" شدات فهاد العبارة و نبشات قبر بريل في جزر الماركيز الهادئة باش تستنطقو و تقول ليه انت اونتيسيميت امقطر...تخيلت كون بريل باقي حي، اكيد غيرد عليهم بشي كلام غيبقاو يفككو فيه 50 عام و عمرهوم يفهموه، غيرد عليهم  وهو يداعب لفافة الجيطان بيد و يمسك بكأس  الريكار  باليد الأخرى هههههههههههههه
ملاحظة، اسرائيل لا تمثل جميع اليهود، شتات الشعب اليهودي خارج اسرائيل تيمثل 56% .