اسرافيل يعلق على اعلان الفنانة ايليسا حملها من دون أب

السيدة المحترمة اليسا،نشرات هاد الصورة و كتبات فوقها،ان الرب منحها إبن بدون الحاجة الى أب..طبعا هي ماشي السيدة مريم بنت عمران،ولم ينفخ فيها جبريل من روح الله،ولايهمنا تواجد سعد المجرد فالصورة..ولكن سيدة شرات حيوانات منوية واستخدمت التقنيات الحديثة وزرعت الكل في رحمها..فكرتني فواحد الفلم إسمهstarbuck..قصة رجل وصل ل 42سنة،اسمه الحقيقي دافيد فوزنياك،كان حازق،وبدا تيبيع حيوانتاتو المنوية،حتى جمع شي 24الف يورو..وملي دازت الوقت اكتشف انه اب لما يفوق 500شاب وشابة،نصف جاو تيقلبو عليه،طمعا في معرفة الاب والاصل..الانسان كائن يبحث عن المعنى،احيانا يجد معنى لوجوده في اصله..الفلم فكاهي،لكنه يطرح احد مشاكل الانسان الحديث..تسليع الانسان..الرأسمالية،تدعي انها حررت الانسان،من سلطة الدين و الاب و التقاليد والاعراف..الخ..مزيان..لكن عطاتنا انسان سلعة..وفي احسن الأحوال كائن مستهلك باستمرار..ربطت الانسان بعمل،خلاه يولي متيتزوج حتى لسن متقدمة..مثلا 31 سنة للانثى فالمغرب و 35سنة للذكر(هذا معدل)،انسان مبقاش قادر حتى ينجب فالوقت الذي يشتهيه،انسان تيكونجلي البويضة ديالو ،بزبالة دلفلوس،حتى يوصل لخمسين عام عاد يلقحها،لانه فشبابو خاص يخدم كي لحمار،انسان كيكري بطن وحدة حازقة فالفلبين او الكونغو،باش يزرع فيها حيوانو المنوي وبويضة مراتو،انسان اصبح سترونغ اند اندبندنت،لكن مقادرش يلقى ساط ،واخا مذمن تنذر،يلتازم معاه،وتيمشي يشري سبيرم ب 15الف دولار،وتيختار واش "باه"طويل،ومهنديس،وعينيه زرقين..بحال الى غيشري سبرديلة او سروال..الانسان غادي فطريق مقودة..واخا متتكميش،جلس ..شعل عليه شي كارو،وتفرجيه،حتى غيولي يتباع بالكيلو فكارفور.

نشريوم 4 غشت 2022