أموال الخليج تقتل التنافسية في كرة القدم
الغريب عزيزي متابع الكرة أنه شي وحدين كيبكيو فاش كيشوفو شي فرقة أوروبية طغات بفلوس الخليج فحال باريسناجيرمان و السيتي
و كتلقاهم كيشحعو الدوري السعودي على العهر لي واقع فيه بل كيطبلو لسعودية فقط حيت مشاو ليها بعض من لاعبين لي كيعجبوهم
لماتشات دكأس العرب كلهم دازو مسعمناش شي حد كيقول مال نصر و لا مال هلال عكس مال سيتي و باريسانجيرمال
المحبين ديال الرياضة عامة معزيش عليهم هاد الغلو فالفاحشة من طرف شي فراقي كتكون غنية و معزيش عليهم تا البطولات لي كتكون مديورة غير لمجرد الاشعاع لشي دولة و لا شي حدث و لا شي حاجة هاكا
بيل بور الكوميدي المعروف و العاشق لكرة القدم الأمريكية سولوه علاش مكتمشيش لسوبر بول لي هو أكبر حدث رياضي سنوي فأمريكا
قاليهم ببساطة لأنه حدث من أجل كسب المال و ليس الرياضة و لأن كتكون مجموع فيه غير المشاهير لي قدرو يخلصو بلاصة و هوما فالعام كامل عمرهم شافو تا ماتش فالتلفازة
و طبعا حنا كمحبين لكرة القدم لي ما لينا لا ناقة لا جمل فهادشي
خصنا نكونو كنتبعو كورة كلعبة ماشي كشيحاجة أخرى
و خص نورمالمو هادشي لي كدير سعودية منافقوس معاه و ميعجبناش لأنها خدامة كتخسر لينا أحسن لعبة رياضية عندنا و خدامة كتخربق ليباراميطر تاع لكورة فالعالم لأنها مابقاتش باغا لاعبين لي خرجو لانطريت بل ولات باغا كولشي و كتعرض عليهم أموال خيالية لي ميقدروش يرفضوها
أي عاشق للكرة غتلقاه كيرفض هادشي لأنه كيضرب فأهم حاجة فالرياضة لي هي التنافسية داكشي علاش مكناس كنملو باريسانجرمان
لكن كيخرجو شي دخيلين على حب لعبة عشاق تقابي النجوم كيطبلو لهادشي لي ما عندو تا علاقة بالكرة
حتى خرجو العديد من العطايا لي ولاو كيحطو الدوري السعودي ضمن الخمس الكبار و كيقولو لك اللهم هو و لا الدوري الفرنسي و بزاف د التعطايت لكتبين شحال بنادم بعيد على كورة
و غير باش منتفهمش غلط انا مكنهضرش على متابعة نجمك المفضل فالدوري السعودي هاديك مسألة عادية نتا حمدون غتبع الطون فالدوري السعودي و تشوف لبيوتا ديالو و انا عبسي تانا غنتبع ميسي فالدوري السعودي و نشوف البيوتا ديالو
كنهضر على التطبيل و محاولة ادخال هاد الدوريات لي لا علاقة لربها بكرة القدم لكرة القدم
فين مشات يامات الأندر دوگص و كنتلاقاو كتلقى بنادم كيشحع روما و هدا كيشجع فالنسيا و هدا كيعرف غير الأرسونال لوالو غير for the love of the game
دابا وليتي حاصل غير مع هاد ولاد القحبات لبعالك لي حكموها فهاد لفيرتيال و جارين معاهم مليون واحد بليحيتو لدرجة واحد نهار كاين ماتش دوري انجليزي مقود فالتلفازة فالقهوة كورة شاعلة ربها عطيني نعطك واحد قدامي مخلي الماتش و داير فالتيليفون شي ماتش دنصر كيتفرج فيه ههههههههه
هو من حقو أكيد و لكن فين حب اللعبة هنا ؟
نتا كعاشق لكرة القدم واش يمكن تخلي ماتش دوري انجليزي و تبرك تفرج فالدوري السعودي ؟
نتا هنا ماشي عاشق لكرة القدم و لكن عاشق لزبوبا تاع نجوم القدم يلا جا نجم قالك عريها غتعطيه يحويك
كيعجبني ميسي بزاف حيت كيفرجني و حيت دار مادار فالكورة و لكن راه مغاديش نخلي ماتش ماتش ليفار و بركان و نتفرج فأنطير ميامي و مغاديش نخلي ماتش بين برايطون و ليفربول و نقلب نتفرج فميسي لابس الغوز حيت عارفو مشى شد لانتريت تما الله يسهل عليه فاش نسالي ندخل نشوف لبيوتا لي ماركة و نطبل ليه شوية يلا حط شي بيت مقود
كتبغي لكورة راك خصك تبغي لكورة و خص يكونو السواعدة بعدا ألد اعدائك رياضيا هاد لعام بعدا و أي ادارة تاع شي نادي كتجي و تبغي تهرف على السوق خصك تكره ربها ملخر
ما هو رد فعلك؟
