تعرف على أنواع الزلازل و كيفية حدوثها
كاين جوج الأنواع ديال الزلازل ، البركانية و التكتونية...
و كاين أنواع أخرى من الزلازل لي بتدخل بشري بحال زلازل الإنفجارات و زلازل الإنهيارات...
الزلزال لي ضرب المغرب السبب ديالو هو الصفائح التكتونية لي يعد أخطر نوع من الزلازل...
هد الصفائح التكتونية هي عبارة عن طبقات من الأرض لي العمق ديالها كايوصل ل600 كلم...
الأرض من الفوق تقسمت لقارات لكن هد الصفائح بقات
مشتركة بين اوراسيا و بين أفريقيا و أمريكا و ملاصقة فيما بينها...
هد الصفائح مرة مرة كاتحرك فإتجاه واحد و مرة مرة كاتحرك فإتجاه مغاير و هد التحركات بجوج كايتسببو فزلازل...
هد الصفائح الى تحركو فالمنطقة لي فيها البحار كايسببو فتسونامي و فالبر كايتسببو فالزلازل...
هد الزلزال لي ضرب المغرب كان فسلسلة جبال الأطلس لي هي في الأصل نتيجة إلتقاء جوج صفائح تكتونية و وحدة طلعت فوق الأخرى شي لي خلاهم يبرزو...
غالبا الزلازل كاتوقع بسبب إرتفاع درجة الحرارة ديال باطن الأرض...
كاين مناطق لي معروفة بالزلازل و لي كتكرر فيها دائما و كاين كاين مناطق لي نادرا ما كتعرف زلازل...
المشكل هو العلم مازال ما قدر يتنبئ بالزلازل حيتاش هد الأخير مكايكونش عندو إنذارات بحال البراكين والأعاصير ولا أي كارثة طبيعية أخرى...
وماكينش حتى شي نمط باش كايوقعو الزلازل يقدر يوقعو زلزالان في فترة قصيرة بنفس المنطقة، ومن ثم يقدر ما يوقع والو لفترة طويلة...
المنطقة لي فيها اليابان معروفة بزاف بالزلازل و هي أكثر دولة كاتصرف لفلوس على مراقبة وقوع الزلازل...
عبر قياس التحولات في الأصوات تحت السطح الأرض والتغيرات في سلوك الحيوانات...
اليوم مع تطور تقنيات الذكاء الاصطناعي كايدربوه باش يلقى أنماط مخفية في البيانات لي تقدر تساعد في التنبؤ بالزلازل...
لأن خوارزميات الذكاء الاصطناعي كتقدر تحلل البيانات وتحدد الأنماط و تكشف على تغيرات دقيقة في سطح الأرض...
مزال جديد هد شي لكن فالمستقبل ربما الذكاء الإصطناعي يعطي نتيجة ديال وقوع زلزال بواحد النسبة لي تقدر تنقذ الأرواح ديال الناس...
الزلازل البحرية صعيب تنبأ بها لكن ليست أصعب من الزلازل التكتونية لي فاليابسة...
هد التنبأ خاصو بزاف ديال لفلوس من حواسيب عملاقة ونظم الاتصالات والأقمار الصناعية والنظم المعلوماتية القادرة على استيعاب الكم الضخم من البيانات عن الهزات الصغيرة وتحليلها من أجل الوصول إلى نتائج نسبية للتنبؤ بالزلازل البحرية...
هد المراصد كاينة غير فدول قليلة بحال أمريكا و اليابان حيت مكلفة بزاف...
العلم كايقول بلي ضرب الأرض أكثر من 500 ألف زلزال بين المدمر و بين الزلازل لي ماحسوش بيهم الناس...
أول زلزال موثق هو سنة 1831 قبل الميلاد في الصين من بعدو تبعوه بزاف الزلازل لي توثقت...
القدماء طبعا كانو يشوفو فزلازل عقاب من عند الألهة...
بحال الإغريق لي كانو مخصصين إله للبحر و العواصف و الزلازل لي هو بوسايدن لي هو مزلزل الأرض...
الرومان كان عندهم نبتون، إله البحار والمحيطات والأنهار لي كان عندو سلطان على العواصف والرياح و الزلازل والبراكين...
الأديان السماوية هضرت على الظواهر الطبيعية المدمرة، ولكنه جات فى صيغة معجزات للأنبياء والرسل...
حتى جا الإسلام و ذكر الزلزال فسورة الزلزلة
<إِذَا زُلزِلَتِ ٱلأَرضُ زِلزَالَهَا، وَأَخرَجَتِ ٱلأَرضُ أَثقَالَهَا>
لكن أولى التفسيرات العلمية لي تعطات لأسباب الزلازل كانت في القرن الرابع قبل الميلاد، من طرف الفيلسوف اليوناني أرسطو لي قال بلي الزلازل نتيجة دخول بزاف ديال الرياح في تجويفات الكهوف وبلي كاتقاوم باش تخرج و هد شي كايتسبب في الزلزال...
هد النظرية اكدت بلي كاين طقس للزلازل...
وبلي كايحدث في ظروف غائمة، وكانت تسبقو عادة رياح قوية...
هد النتيجة ديال جو الزلزال لي ستخلص ليها اريسطو كانت عبر ملاحضة سلوك الحيوانات...
أولى الملاحظات على سلوك الحيوانات قبل وقوع الزلازل الكبيرة كانت معاصرة لأريسطو...
سجلو مغادرة الفيران والثعابين لمساكنها وذهابها إلى أماكن آمنة، قبل وقوع الزلزال...
طبعا مكايناش شي حاجة سميتها طقس الزلزال و ماكاينش شي دليل علمي على أنه الحيوانات كتنبأ بوقوع الزلازل ولكن تسجلت سلوكيات غريبة من طرف بعض الحيوانات لكن لم تكن قاعدة عامة تحدث كل مرة...
شي مرات متسجل حتى سلوك مشابه قبل وقوع الكارثة...
أكبر زلزال سجل على الإطلاق بلغت قوته 9.5 درجة على مقياس ريختر والذى ضرب تشيلى عام 1960...
أسوأ زلزال فى العالم حدث فى عام 1556 فى الصين، مما أسفر عن مقتل ما يقدر بنحو 830،000 شخص...
مؤخرا الناس ردو البال لواحد الظاهرة لي قديمة و هي ظهور أضواء مزامنة لزلازل...
النظرية كاتقول بلي هد الزلازل مفتعلة من طرف مشروع ماسوني سميتو هارب...
لكن في الحقيقة هدوك الأضواء كاينة و تسمى هد الظاهرة بأضواء الزلازل لكن العلم مقدرش يدرسها حيتاش الزلازل كاتجي مفاجئة و صعيب الدراسة ديالها و السبب علاش كايبقى لغز...
كاين بزاف الفرضيات و اقربها لصحة هي الصفائح التكتونية مين كاتحك مع بعضها كاتنتج شحنة كهربائية كبيرة شي لي كايسبب هدوك الأضواء...
وأقرب مثال هو الأضواء لي كايعطي البرق...
هد الظاهرة توثقت لأول مرة أثناء زلزال سانريكو في عام 869...
قبل ما يكون شي مشروع سميتو هارب ولا حتى ميريكان براسها مكانتش...
مشروع هارب مشروع حقيقي كان دار سنة 1993
و سالا سنة 2018...
والهدف منو كان دراسة و إجراء الأبحاث على الغلاف الأيوني البحث في إمكانية تطوير وتعزيز تكنولوجيا المجال الأيوني لأغراض الاتصالات اللاسلكية والمراقبة...
سبب ربط هد المشروع بنظرية المؤامرة هو واحد المسلسل أمريكي سميتو ملفات خاصة لي ذكر هد المشروع على أساس أنه مكان كايديرو فيه تجارب سرية على الجو والكوارث الطبيعية...
والله يرحم الولدين ماتبقاوش تزيدو حداه سري...
سري و عرفتو نتا...
راه مفهوم السرية هو مخاصش حتى واحد يعرف...
ما هو رد فعلك؟
