خبير الطاقة "jean-marc jancovici "يتنبأ بمصير مصادر الطاقة و الثروات الطبيعية من خلال بيانات و حسابات واقعية ، مقترحا حلول لإستمرارية بقاءنا على كوكب الأرض
للي بغى يعرف آش تيتسنى مصير الأرض في ظل المؤشرات عن نضوب مصادر الطاقة و الثروات الطبيعية يتصنط لهاد الخبير فالطاقة jean-marc jancovici. كولشي عندو بالحساب و الأرقام و البيانات... يعطيك حتى الكوبالط شحال بقى ليه من عام و يتقادى او مثلا تيعطيك الكلفة الطاقية تاع استخراج النفط بحكم انو قلال و الجودة تاعو ناقصة، الكلفة الطاقية ضربات فعشرين مرة....غير هو راه غيخلعك و يصدمك، داكشي لا يبشر بالخير. واشنو الحل؟ تيقول يانكوفيتشي أن أقل الحلول ضررا هو la décroissance، نهبطو الريتم د الانتاج و نعيشو بالمينيموم و نوجدو ريوسنا للزهد ايلا بغينا نزيدو نعيشو شوية فهاد الأرض...
فيما يخص الطاقات البديلة و وسائل النقل الكهربائية تيشوفها الخبير غير حلول ترقيعية. اصلا هو تيعتابر موضة التنقل بالعربات الكهربائية مجرد تحول من نمط تاع التلوث لنمط أخر لا يقله تلوثا و تيوضح ليك بالارقام. هذا بلا ما نحسبو التحديات للي تتسنى البلدان للي غتنتاقل من المحرك الحراري إلى المحرك الكهربائي، تيقول الخبير:
ملي غترولي بسيارة كهربائية وسط المدينة ماشي موشكيل، تقدر تشارجي مرة تقدك فالتنقل من الدار للمقر العمل و تقضي شي سخيرات و ترجع سالما غانما، اما مثلا ايلا بغيتي تشد الطريق و غضرب اكثر من 150 كلم و غتضطر توقف فاسطاسيون تشارجي الطوموبيل، دار عملية حسابية على عدد السيارات للي تتخرج فالويكاند ففرنسا تشد الطريق و قال ايلا افتارضنا السيارات كاملين عندهم البطارية السريعة للي تتشارجا ما اعرفت فربع ساعة أو قسماين، باش ما يوقعش الاكتظاظ و الفوضى على الروشارج، خاص كل سطاسيون تكون فيه 72 بورن ديال الشحن. تخايلو دابا انت واقف حدا سطاسيون د ليصانص فيه غا 30 بومبا، خاص المساحة ديالو تكون اكبر من مركب محمد الخامس هههههههههه
ما هو رد فعلك؟
