هل نعيش في عالم وهمي مقيدين داخل مصفوفة ماتريكس ؟

واحد الكوميدي أمريكي يهودي سميتو أري شافير...
كان يتكيف واحد المخدر سميتو سالفيا لي هو عبارة عن نبتة كاينة فالقارة الأمريكية...
أري كايعاود بلي زاد شوية فلادوز حتى لقى راسو تحت الماء وخرج من البحر لقى راسو مزوج فعالم أخر وكانو عندو اصدقاء...
جلس معاهم لمدة 8 أشهر ،كان يفيق  من النعاس و يعيش النهار كامل و عاقل على جميع الأحداث  و التفاصيل بالحزن و الألم و الفرحة ديالهم ،هد شي كامل عاشو فمدة 7 دقائق فالعالم ديالنا...
هد النبتة علميا كاتسبب هلاوس و كاتخلي الإنسان يقدر يرجع يعيش فالماضي ولا يسافر لمكان اخر ولا يندمج مع أي حاجة حداه...
الغريب في الأمر هو بزاف الناس لي وصلو لدوز طالعين شافو شي أمور غريبة
 بحال واحد طالب كان كالس فالحي الجامعي و قدر يمشي لدار وليديه و يشوف شكون تما و مين فاق...
عيط ليهم و قاليهم شنو شفت و الصدمة غادي يأكدو داك شي لي شاف...
هد العشبة كاتخليك تشك واش حنا فعلا عايشين فعالم حقيقي ولا لا...

العلوم الزائفة هي العلوم لي مكتبعش المنهج العلمي لي كايشمل 4 خطوات رئيسية الملاحظة ، الفرضية ، التجربة ، الإستنتاج...
تقدر تجمع مجموعة من الأدلة باش تثبت شي نظرية لكن الى مكانتش التجربة ماغاديش يتقبلها العلم...
شحال من حاجة العلماء عارفينها بلي منطقية ولكن مكاينش الوسائل باش يديرو عليها تجربة فكايصنفوها ضمن نطاق العلوم الزائفة...
هد المنهج العلمي الأب ديالو هو إبن هيثم و من بعد غادي يتبناوه العلماء...
 العلوم الزائفة كاينة بزاف منها التنجيم ، الخمياء ، التخاطر...
لكن اليوم العلم تبنى نظريات أكثر غرابة من هد العلوم الزائفة...
مثلا العلم كايقول كاين إحتمال كبير أننا كانعيشو فماتريكس...
ديما خاصنا نرجعو للأصل ديال الفكرة و هد الفكرة ديال هد العالم لي عايشين فيه ماشي حقيقي ظهرت مع الفيلسوف اليوناني القديم أفلاطون...
مع تطور البشرية و العلم زادت  فرضية حقيقة هد الفكرة...
السؤال المطروح هو واش نقدرو نصنعو ماتريكس...
الجواب هو نعم...
واحد الحاسوب امريكي سميتو فرونتير (Frontier) يعد  أسرع حاسوب إلكتروني في العالم...
هد الاخير قادر على أداء 1.1 كوينتيليون عملية حسابية في الثانية...
هد الرقم المهول لي ماغاديش يتقبلو العقل كيأكد بلي هد الحاسوب يقدر يحاكي ملايين السنين من تاريخ الكون في عدة أيام...
و مزال هد الحواسب في تطور...
نحن حضارة حديثة الولادة و مزال ماطورناش بزاف...
و حنا قراب بزاف من أننا نقدرو نصنعو مصفوفة كاتحاكي التاريخ ديال الكون فما بالك الى كانت شي حضارة سابقنا بملايين السنين...

العلم كايقر بلي كاين إحتمال كبير بلي حنا عايشين فمصفوفة...
و ذلك من خلال تجربة الشقين الفيزيائية الشهيرة...

 هد التجربة دارها واحد العالم الماني أول مرة...
وهي إرسال مجموعة من الإلكترونات على شاشة حساسة للضوء عبر شقوق في صفيحة نحاسية...
منتجةً بالعادة  تداخل يشير للسلوك الموجي أو ببساطة الإلكترون كايتصرف كموجة...
لكن عندما تجرى التجربة نفسها تحت المراقبة، فإنَّ الإلكترونات تتصرف كالجسيمات، ليس ك موجات، وليس هناك نمط تداخل...
هد التجربة تعاودت بزاف ديال المرات و دائما نفس النتيجة مين الإلكترون كايحس براسو مراقب كايغير البنية ديالو لجسيم...

العلماء المؤيدين لهد النظرية قالو بلي هد شي كيعني أن المحاكاة مبرمجة باش تحافظ على الطاقة ديالها...
 وتستدعي أشياء محددة فقط عندما تدرك أنها مراقبة من الطرف ديالنا...

العلماء ستنتجو أن الاجسام تحت الذرية إزدواجية الطبيعة هي موجة او جسيم في نفس الوقت....

 أي حاجة مادية كاينة فالكون كتكون من هد الجسيمات يعني نحن البشر عبارة عن مجموعة من الإلكترونات...

طبعا العلماء فكرو فأنه الا قدرو  يفهمو علاش الإلكترون كايتغير بالمراقبة فغادي يقدرو يتحكمو فالإلكترون و يقدرو يفرضو عليه يدير أي سلوك بغاوه و يتجسد كيف بغاوه...
رواد هد النظرية كايقولو  الى تحكمنا فهد الجسيمات غادي نقدرو نشوفو الحقيقة حيتاش الحد الأن على
 حساب هذ التجربة مكانشوفو حتى حاجة واقعية...

أي حاجة كانشوفوها و كاحسو بيها فهي مجرد أشياء يصنعها الوعي ديالنا و لا مبرمجة فينا...
حتى فالحياة اليومية كل واحد و كيفاش كايشوف شي حاجة...
مثلا نفس الشخص نقدرو نختالفو فالصورة ديالو... 
ماشي غير ماديا  بل حتى معنويا...
شحال من واحد مكاترتاحش ليه و يجي شخص أخر كايرتاح ليه...
النظرة ديال النساء ماشي هي ديال الرجال ولا الأطفال...
علاش حيتاش كانشوفو بالوعي ديالنا ماشي بالأعين ديالنا...
طبعا هذ معروفة و مثبتة علميا الا قدر أي شخص يوصل لدماغك فغادي يصورليك أي حاجة بغاك تشوفها حيتاش العين غير وسيط و صافي دماغ هو لي كايحلل الصورة...
و هذ شي كاين مثلا ألعاب الخفة ، السحر ،  صحاب السماوي و زيد و زيد...

واحد التجربة كان دارها واحد العالم طلع لاسين و هز طونطوز كايهضر بيها مع الجمهور و الجمهور كامل شاف ميكروفون حيتاش العقل عطا معلومة غالطة للعين حيتاش بكل بساطة منواش يكون يهضر فطوندوز ديال لحسانة...
أيضا الأحلام و مدى واقعيتها...
هذ شي كامل كايخليك تشك واش حنا كاينين ولا لا زيد عليها...
هداك الفستان لي النص كايشوفو بلون ونصف الأخر بلون ولا  صوت ياني و لورل كل واحد كيفاش كايسمعو...

العلم كايقول بلي أي برنامج واخا يكون متقدم بزاف يمكن ليه يفشل أو يكوني فيه bugs...
و الأشخاص داخل هد المصفوفة الى تكررو عندهم هد الفشل ربما يحسو بشي حاجة غريبة...

هذه هي الأشياء لي كنلاحظوها باستمرار ، على الرغم من أننا لا نستطيع تفسيرها بشكل منطقي....
بحال ظاهرة  deja vu ، عندما يبدو لنا أننا قد عشنا بالفعل بعض المواقف...
كاين بزاف القصص ديال ناس عاديين شافو شي خلل فالمصفوفة ولا عاشو شي تجربة غرببة و موجودين فالأنترنيت...

الون ماسك كايأمن بفرضية أنه نقدرو نكونو نعيشو فمصفوفة لكن كايقول بلي ربما الكون لي كانعيشو فيه حقيقي ولكن عايشين غير بالوعي ديالنا بحال فيلم ماتريكس...
و السيناريو الثاني ربما حنا مجرد كائنات كاتعيش في حاسوب ضخم بحال شخصيات ألعاب الفيديو و فهد الحالة هدي هي فرصتنا الوحيدة للحياة...
الون ماسك سولوه شنو الهدف من هد المحاكاة جاوب بلي ربما الكائنات لي دارت المحاكات بغات تشوف الحلول لي نقدرو نعطيو لتغير المناخ والكوارث الطبيعية و الحروب و ربما كايستافدو منا...

لي عجبو الموضوع يقدر يتفرج فواحد الوثائقي كايشرح هد القضية سميتو 
A Glitch in the Matrix