"ديرنكويو" المدينة الغامضة التي اكتشفها المغاربة و سماها التركيون مدينة الجن !

سنة 1963 مغربي و تونسي كانو  مساليين مع كرهم فداك الوقت غادي يمشيو  لتوركيا يخدمو فمجال البناء...

كانو يحفرو ساس ديال شي دار و هوما يخرجو فواحد النفق دخلو معاه لقاو راسهم فمدينة تحت الأرض...
هذ المدينة فيها 13 الطابق رغم أنهم مزال ماقدرو يكتشفوها كلها...
دايز وسط منها واد  ديال المياه الجوفية و عندها نظام تهوية باش يدخل الهواء لجميع الطوابق...
الناس لي بناو المدينة قلبو على مكان فيه صخور بركانية سهلة الحفر و يوجد الماء أسفلها عاد بناوها...
هذ المدينة يقدر يعيش فيها أكثر من 20,000 شخص...
 فيها غرف لعصر النبيذ  و إسطبلات للحيوانات و دير العبادة و مخازن الطعام...
الأبواب ديال المدينة كانو يتفتحو فقط من الداخل و الوزن ديالهم أكثر من 500 كيلو...
الكربون المشع كايقول بلي تاريخ بناء المدينة يرجع الى 5000 سنة قبل التاريخ...
 لكن لقاو فيها أيضا كنيسة و رسومات كاتعود للحقبة البزنطية لي كيأكد أن المسحيين إستعملوها للتخفي من هجوم المسلمين...
السبب ديال بناء هذ المدينة كايبقى لغز كبير، هذ الناس لي بناوها كانو خايفين من شي حاجة لي غادي تدمرهم تدمير ، ماشي من بشر بحالهم...
هذ المدينة كانت قرببة لواحد المدينة أخرى بناتها واحد الحضارة غامضة يعود تاريخها ل 11,000 سنة قبل الميلاد أي قبل الأهرامات و قبل أي حضارة  كانت في الأرض حسب التاريخ الجاري بيه العمل...

العلماء كايقولو ربما سكان هذ الحضارة هربو من شي حاجة و بناو هد المدينة تحت الأرض...
بزاف النظريات تطرحو لكن المجتمع العلمي كايمشي مع نظرية النيازك لي كانت كثيرة فهديك الحقبة...
و كاين نظريات أخرى بحال الفضائيين ولا شي حيوانات مفترسة...
لحد الأن شكون بناها وعلاش تبنات باقي مجهول...
لكن لي مؤكد هو هاد المدينة مقدرتش تحمي الناس لي بناوها من الهلاك المؤكد...

إيلون ماسك فواحد البودكاست قاليهم أخر عصر جليدي لي ضرب الأرض كان قبل 10000 سنة ماعرفين والو على شنو كان قبلو...
الباقي كولو غير تكهنات و نظريات لا من المجتمع العلمي لا من الباحثين على الحقيقة...
العلم كايعتامد على الكربون المشع كمعيار على تحديد عمر أي حضارة لكن أيضا العلم كايقول بلي نسبة الخطأ كتعدى 4000 سنة... علاش كايلجؤ لأساليب أخرى باش يزيدو يأكدو التاريخ بحال طبقات الأرض الى أخره...

النظرية و ما فيها كاتقول بلي الأرض كل عصر جليدي كتقضي على الحضارة لي كانت قبل و كتبدى حضارة جديدة...
حتى الديانات السماوية و الأرضية كاتقر بلي الألهة كاتقضي على الأمم و تجيب أمم أخرى...

هذ الصورة لي كاتشوفو كاتبين هرم الشمس المكسيكي كايبان بحال الجبل شي لي كايأكد فرضية أنه هذ الهرم داز على البناء ديالو ألاف السنين ماشي 700 سنة كيف كايقول العلم...
و حتى الأهرام غير في القرن 18 كانت مدفونة تحت الرمال و الأبو الهول كان يبان غير الراس ديالو...

الأثار ديال الفيضان واضحة جدا مثلا حضارة بوما بومكو و حضارة بعلبك ،العلماء أكدو بلي هذك الإنهيار كان سبابو فيضان عملاق...
واغرب حاجة غادي تسمعها هي غابات الأمازون عبارة عن بستان...
مؤخرا لقاو واحد لاكوش ديال التربة فالأمازون معدلة 
من طرف ناس كانو ساكنين تما باش ترجع صالحة لزراعة...
و لي كايأكد هذ النظرية هو نوعية الأشجار لي كاينة فيها و لي أغلبها عبارة عن فواكه و نباتات صالحة للأكل...
واحد المؤرخ الإسباني قال بلي لقاو مدن كبيرة فأمريكا و فغابات الأمازون  و البناء لي عندهم كان شبيه بزاف بالبناء الأوروبي...
عاد مؤخرا بداو يلقاو أثار هد المدن حيتاش طلعت عليهم الغابة...

سؤال المطروح هو علاش جميع الحضارات السابقة الناس ديالها إختفاو  فظروف غامضة و مبقاتش بينهم و بين الناس لي جاو من بعد حتى علاقة...
علاش هدوك المدن مابقاوش عامرين و إستمرت فيهم الحضارة...
علاش الأقوام اللاحقة مشاو لأماكن جديدة و بناو مدن ديالهم...
علاش اللغات ديال الأقوام السابقة نقارضو و مابقات حتى رابطة بيناتهم و بين اللغات اللاحقة...
علاش الهيلوغريفية طلبت من البشر أكثر من ألفين سنة عاد قدرو يقراوها...
و بزاف اللغات لي الحد الأن مقدروش يفكو الشفرة ديالهم...
علاش بانو لغات جديدة بحال الألمانية لي حديثة بزاف

المدن لي فعلا عمرها الإنسان مازال فيها الناس بحال أريحا الفلسطينية ولا دمشق...
و العالم كامل متافق بلي الأهرام تبناو بتيكنولوجيا معندناش دابا...