الطيبي يرد على مهاجمي الشيخ رضوان بعد تحريمه لكرة القدم
راه كورة لهو و فيها التقمار يعني من وجهة نظر دينية قحة راها حرام حتى لو لم يكن نص كيحرمها ديريكت
أي فقيه بغى يحيد عليه اللومة راه غادي يحرمها
فحال بلان الشراب مثلا هو كمشروب مافيه مشكل لكن المشكل كاين فداكشي لي كيأدي ليه داك المشروب المسكر
الكورة كتأدي لبزاف الأثام و أكبرها أنها لعبة كيحركها القمار و كتلهي المومنين على مصالحهم و فيها اختلاط و سب و قدف و كدا و كدا
لمهم كيما قلت أي فقيه باغي يحيد عليه اللومة غادي يحرمها أو يجعلها مكروهة
دونك علاش معجبكمش هضرة رضوان ؟
راه الدين هدا يا دير بيه يا خليه مافيهش ختار هادي و خلي هادي
و يلا بصح ما عزيزش عليكم الغلو فالدين و باغين داكشي خفيف ظريف و يواكب العصر علاش فاش كيجي شي تقدمي و لا حداثي كيقوليكم اودي راه الدين ماشي كولو صالح لكل زمان و مكان و راه خص نعيدو النظر فشي نصوص و كدا و نديرو الاصلاح الديني مكيعجبكمش و كتنوضو تسبو ليه العروق ؟
كيعجبكم فقط فاش كيجي فقيه يحرم على المرا الكورة و يحرم عليها التنفس داكشي بعدا كتافقو معاه قلبا و قالبا هههه كيجيكم سمينة و عسيلة على قلبكم حيت متقدروش تحكمو المرا تاع دابا خصكم تعاونو بالدين و الله باش تحكموها ههههه
أبسط حاجة هو السروال لي كتلبس أخي المسلم فيه حديث صريح أنه مخصوش يفوت العضم لي فوق الگدم ما تحته حراااام و في النار بصريح العبارة
علاش مخلي هادي و شاد فالفولار تاع لبنت لي كتحطو نص نص مثلا ؟
كتجيك ماشي منطقية باغي تحط الحطة كاملة مكمولة ؟
ايوا راك كتختار من الدين لي نتا صارع لينا بيه راسنا غير لي بغيتي و شي لاخر كتحطو فأكبر زبالة حيت مكيجيش على هواك
تا حد مغيقولك هاد الهضرة حيت كولشي باغي يخربش لك المشاعر باش يعجبك و تعجبو
و لكن أنا جيت نقولك ملي معجباتكش الكورة حرام عود جمع كرك فاش تاحنا ميعجبناش الشراب حرام و شي حاجة هاكا
انا مكندافعش على رضوان و مكنعرفوش و مكيهمنيش لكن كنشوف بنادم مغيب مع كرو
النقاش مخصوش يكون على واش كورة حرام حيت اي فقيه ممكن يحرمها لك بشتى الأشكال
النقاش خصو يكون على هاد الخطاب تاع حلال و لا حرام واش خطاب صالح للحظة و الآن
أم هو خطاب أكل عليه الدهر و شرب و عوض نقيسو الممارسات بحلال و لا حرام خصنا نقيسوهم بالنفعية أو بمادئ الحريات الفردية
هو راه قالك حرام و كان فكاس لعالم كيتفرج و هادشي معندو تا علاقة بالأمر لأنه ممكن يكون يدير شي حاجة لكن للأمانة الفكرية و باش يريح ضميرو كيقولك راها حرام
فحال واحد كيشرب و كتسولو واش الشراب حرام ؟
واش غيقولك حلال حيت هو كيشربو ؟
غيقولك وي واخا كنشربو لكن للامانة هو راه حرااااااام
عوض تهاجمو الفقهة هاجمو الكتوبة و الفكر لي كياخدو منو الفقهة داكشي و أعيد
الدين مافيهش الانتقاء
بصح حنا المغاربة مند الأزل انتقائيين فالدين لكن راه فالأصل مافيهش هادشي
خودو كولو و لا خليه كولو
بغيتي تاخد غير لي يعجبك من حقك لكن متهاجمهش شي حد يلا قال غير الحق متافقش معاه ممكن لكن مديرش فيها كتفهم الدين كثر منو
ما هو رد فعلك؟
