صناعة الخبز تسبق الإكتشاف التكنولوجي للزارعة بأربعة آلاف سنة!
فرّان ديال الخبز تكتشف هادي سنوات فشمال شرق الاردن فعمرو 14 ألف سنة. يعني 4 آلاف سنة قبل اكتشاف الزراعة فالمنطقة.
هاد الاكتشاف المدهش كيعني ان تكنولوجيا "الفرّان" وكيفية صناعة الخبز سابقة بكثير تكنولوجيا الزراعة. يعني لمدة آلاف السنين انسان العصر الحجري كان كيعرف يشدّ نباتات برية شبيهة بالقمح ويخرج منها الزريعة ويطحنها ويعجن العجينة بالما ويطيب داك الشي ففرّان.. هاد الشي طوراتو واحد الثقافة ديال العصر الحجري سميتها الثقافة الناتوفية Natufian. اللي كان عندها نمط نصف مستقر نصف رحّل semi-sedentary (كيستقرو فبلاصة وحدة لفترة من كل سنة ومن بعد كيجمعو حوايجهوم ويرحلو لبلاصة أخرى).
هاد الشي تجلّي جميل للطابع المتدرج ديال تطور الثقافة والحضارة الانسانية عبر العصور.. كل قفزة حضارية كبيرة كتسبقها عدد من السياقات الحضارية ولا التكنولوجية اللي كتمهّد الطريق للقفزة.
ما هو رد فعلك؟
