أمراء الجحيم السبع و الخطايا !
تنويه: هادشي كامل لي غايتقال اسرائيليات فقط، الهدف منو المعرفة ماشي التصديق... تفاهمنا؟ غي باش مايجيوش شي فهايميا يفرعو ليا راسي.
قبل مانبداو، شكون هما بعدا هاد الامراء الجحيم السبع؟
كيقولك اسيدي هاد الشخصيات السبع هما المسؤولين على اعظم الخطايا لي كاين فالعالم، و راه غاتكون فايتلك سمعتي من قبل "الخطايا السبع المميتة" المهم كل شيطان من هاد الشياطين كيمثل واحد الخطيئة من الخطايا السبع.
–··· –·–– –·–– ––– ··– ··· ··· · ··–· –··· ·–· ·– ···· ·· –– ··
اوكي نبداو.
1- لوسيفر Lucifer: الكبرياء
لوسيفر و كيتسمى كذلك ابو الشياطين و كيمثل خطيئة الكبرياء او الغرور.
حسب اللاهوت المسيحي لوسيفر في يوم من الايام كان رئيس الملائكة، و خادما لله، و لكن الغطرسة و الفخر ديالو براسو دفعه الى التمرد على الخالق ديالو.
(و هادشي معروف عندنا فالاسلام بانه بسبب الغرور ديالو رفض السجود لأدم و خالف اوامر الله عز وجل.)
غالبا ما كيتم تصوير لوسيفر فالسينما و الاداب على انه شخصية مغوية و جذابة و كيجسد الاغراء، و الدور ديالو كيتمثل فأنه كيستدرج البشر للخطيئة.
لوسيفر كيرمز لخطيئة الكبرياء و لي هي اصل جميع الخطايا حسب اللاهوت المسيحي، و دائما ينظر اليه على انه ملاك ساقط و ان السقوط ديالو من السماء بمثابة درس ضد مخاطر ديال الغرور و الغطرسة.
–··· –·–– –·–– ––– ··– ··· ··· · ··–· –··· ·–· ·– ···· ·· –– ··
2- اسموديوس Asmodeus: الشهوة
اسموديوس او شيطان الشهوة، كيتم التصوير ديالو على انه شيطان بثلاثة رؤوس و فالفكلكور اليهودي كيتم التصوير ديالو على انه وسيم و ساحر و قادر على اغواء اكثر الناس فضيلة، و يقال كذلك على انه كيخلق مشاكل بين الزوجين و كيروج للطلاق.
اسموديوس كيجسد الملذات الجسدية المغرية و المخاطر ديال الرغبات التي لا يمكن السيطرة عليها، و هو المسؤول على نشر الشهوة بين الناس.
كذلك ينظر اليه على انه شيطان ماكر و قادر يغوي حتى الناس الاكثر ذكاءا و يخليهم يطيحو فخطيئة الشهوة، و هو بمثابة تذكير بالمخاطر ديال الشهوة و الأهمية ديال ضبط النفس.
و كاين واحد القصة كاتقول انه كان كيبغي واحد البنت سميتها سارة و بكثرة الحب ديالو ليها قتل سبعة ديال الاشخاص لي فكرو يتزوجو بها فنهار عرسهم.
3- مامون Mammon : الجشع او الطمع
مامون او شيطان الجشع و لي كيمثل خطيئة الطمع، و لي كيتم التصوير ديالو فالثقافات الشعبية على انه شخصية بشعة و عندو جسد منتفخ.
مامون كيمثل الجاذبية ديال الثراء الفاحش و العواقب الخطيرة ديالو، و يقال على انه كيهمس فأذان البشر و كيقدم لهم وعود بالثروة و النجاح، و بالتالي كيستعبد الناس لي عندهم تعطش للسلطة و المال و لي غالبا كايجي على حسب الارواح ديالهم. و هو بمثابة تذكير للمخاطر ديال الطموح الجامح و الأهمية ديال الاعتدال.
–··· –·–– –·–– ––– ··– ··· ··· · ··–· –··· ·–· ·– ···· ·· –– ··
4- بعلزبول Beelzebub: الشراهة
و كيتسمى كذلك سيد الذباب و كيجسد الشراهة، و يقال على انه اليد اليمنى ديال لوسيفر، و كيتم التصوير ديالو على انه شخصية بشعة و كيمثل الجوع الذي لا يشبع.
و كذلك كيتم التصوير ديالو على انه رمز للخداع، بحيث انه كيستخدم القدرات ديالو في الاقناع من اجل التلاعب بالبشر و كيقودهم للظلال، كذلك هو مرتبط بالمرض كإشارة لأن الشراهة شي مرات كاتكون سبب فالمرض.
5 - ليڤايتان Leviathan : الحسد
و كيتسمى كذلك الحية الملتوية و كيجسد الحسد، و كيتم التصوير ديالو على انه تنين او وحش بحري كينفث النار، و انه هو المسؤول على نشر الحسد بين الناس
فالفكلكور اليهودي ليڤايتان هو مخلوق كيهدد الاستقرار ديال الكون و كيرمز للفوضى و الدمار، و كيمثل الجانب المظلم ديال الحسد و القوة التدميرية و الحقد لي كينشأ فالناس فاش كيشتهيو شي حاجة عند الاخرين، شي لي كيخلق عندهم رغبة فتدمير الاخرين بدافع الغيرة.
و يقال كذلك ان الاتباع ديالو كيستهلكهم الحسد و الغيرة، شي لي كيخليهم يقومو بافعال و اجراءات متطرفة في سبيل انهم يحصلوا على داكشي لي كيرغبو فيه.
–··· –·–– –·–– ––– ··– ··· ··· · ··–· –··· ·–· ·– ···· ·· –– ··
6- سايتان Satan : الغضب
ساتان كيمثل الغضب و الانتقام و كيتم التصوير ديالو على كيهمس للناس باش يقومو بافعال تدميرية و ينظر اليه على انه شخصية شريرة كتجسد الشر و الفوضى و انه السيد ديال التلاعب و لي قادر على تحريف الحقيقة باش تناسب مع الاغراض ديالو.
كلمة Satan كتعني الخصم، بمعنى انه خصم للبشر و انه عندو واحد الغضب كبير تجاهم حيث كايشوف انهم كانو سبب فالسقوط ديالو.
7- بلفيغور Belphegor : الكسل
كيرتبط بخطيئة الكسل و الفتور تجاه الامور الروحية، و يقال كذلك على انه كيغوي البشر بوعود الراحة و السهولة، شي لي كيأدي بهم الى اللامبالاة و الركود.
كيتم التصوير ديالو على انه چالس فالطواليط و ان شخصيتو خمولة و منحلة، و ان التأثير ديالو كايكون سبب فدمار الافراد و المجتمعات + الاتباع ديالو كيستهلكهم الكسل و كينعدم عندهم الحافز و كيتفتقرو الإلهام، شي لي كينعكس على المصلحة و الرفاهية ديالهم.
كذلك كيتم التصوير ديالو على انه مخادع و كيغوي الناس و كيكشف ليهم بعض الاسرار لي تكون سبب فانهم يكتاشفو اكتشافات عبقرية لي تسهل الحياة و تخليها تكون مريحة اكثر، شي لي غادي يساهم فالكسل اكثر.
✏️ Youssef Brahimi
ما هو رد فعلك؟
