السعودية وجهين لعملة واحدة انفتاح ظاهري ودعششة خفية:

السواعدة من بداية الثمانينات وهوما تينشرو فالوهابية، ودازو للسرعة القصوى مع طفرة الاتصال و انتشار القنوات الفضائية، ثم مع ثورة الانترنيت و منصات التواصل....غرقات العالم الاسلامي فالدعوشة ، طلقات الوعاظ و الدعاة دارو بريسينغ رهيب على الشعوب، يطلقك واحد يشدك لاخر، تيفتيو في سفائف الأمور.... حتى لهنا جميع المعطيات تتوحي بأن منسوب الدعوشة ما زال يزيد يعطي و بأنو مخزون لا ينضب. شوية هووووب! و بعصا سحرية وقع انقلاب ب 180 درجة، للأسف الانقلاب ما جاش من الشعوب للي كانت هدف ديال الوهابية من بعدما فاقت و وعات. بالعكس مازال تطلب هل من مزيد، الانقلاب جا من مصنع الوهابية بنفسو و فواحد ظرف وجيز و كأنما الوهابية وباء وصل للذروة ديالو و دابا فقد الشراسة و غادي للاختفاء. السواعدة دخلو فالانفتاح مجهدين،.. المهراجانات، الشطيح، الهالوين، تقزيم دور هيئة الأمر بالمعروف، مشاريع سياحية...و آخر ما غنات الشيخة هو اسقاط قانون تيزجر المجاهرة بالافطار فرمضان. ( حتى فدبي مثلا، الشراب فرمضان تيتباع فالبيسري، خود للي بغيتي ما يسولو فيك واش مسلم أولا تتعبد المسن). ماهي ردة فعل الأذرع الوهابية فيما يجري و يدور؟، الوعاظ و الدعاة انقاسمو لزوج أجنحة:  كاين للي سكت و قلبها فتاوي على الضرط عند الوضوء، و كاين للي بدا تيلوي فالنصوص الشرعية باش يلقى تبرير لهادشي للي دارو ولي نعمته، و ما يقدروش يهضرو، حيث للي كان تيغرم عليهم حقائب الريال السعودي، و تيخلص عليهم فأفخم الفنادق فالتايلاند و دايرين بيه السطاعشيات تيديرو ليه المساج، هو نيت للي يقدر يحزقهم و يغبّر دينمهم من الفوق! 
دابا أذرع الغوغائية حيدو ليهم البزولة "الاخلاقية" باش تيصورو طرف د الخبز، بقات عندهم غير البزولة " الشيعية" و لايني حتى هي غيفطموهم عليها تريكة آل شَعْوَذ من بعد الوساطة الصينية بين الرياض و طهران ههههههههه، الناس تصالحو و غيفتحو السفارات بيناتهم و غيفكو دوك الصراعات الاقليمية للي خسرو عليها ملايير الدولارات على الخاوي. ايلا دار شي داعية خطبة تيقول فيها الشيعة اولاد القحاب، غيهز وزير الداخلية التليفون يقول ليه: القحبة هي امك ! واش للي بنى مولانا محمد بن sale main باغي تريبو لينا فالمحراب؟ 
السؤال دابا: الشعوب للي غمالت فيها سلعة الدعوشة و الحقد الطائفي فين غتعطي الراس؟ فالحقيقة سر ديمهم نيت يبقاو فدار غفلون، باش تعلم تكون تبعي و تسنى النبي المخلص يجيك من شي جايحة يعتقك، و الله ما تعري على اكتافك و تخدم عقلك و تعتامد على الامكانات للي عندك و تستافذ من أخطاء التاريخ لا اعقل عليك شي قواد.