التطور بالدارجة : واش فعلا الإنسان أصلو قرد ؟

■ العديد من خوتنا المؤمنين كيعتاقدو بلي  الإنسان أصلو قرد وهذا افتراء على النظرية وعلى مؤسسها داروين رحمة لله عليه لي مگالش  في كتابو أصل الأنواع هاد العبارة المضحكة بل أكد أن التطور كينص على أن كل الكائنات الحية كتنحادر من أسلاف مشتركة..

■ لي gال بلي الإنسان أصلو قرد هو  فريديريك إنجلز في كتابو " دور العمل في تحويل القرد إلى إنسان " وفيه كيشوف  إنجلز أن التطور من القرد إلى الإنسان تم فاش صنع الإنسان أول موس من الحجر وفاش انتصب الإنسان مبقاش كيستخدم اديه للمشي وهنا بدات  نقطة التحول والتطور الرئيسية..وبهذا  انجلز عتاقد أن تطور اليد ودقتها كانت نقطة التحول الحقيقية .. 
 وكذالك  لمح مرة اخرى في كتابو" أصل العائلة والملكية الخاصة والدولة" لنفس المسألة.

 ■ فكرة إنجلز كتلخص  ف أن الإنسان كان قرد من بعدها بدات   مهاراتو  اليدوية في التطور..ثم خلق المجتمع لي أدى إلى خلق الكلام واللغة وتطور دماغه..وهاد الهضرة  معندها تا شي أساس علمي فقط هو مجرد تخمين انباثق من أصول فلسفية قديمة لا تمت للعلم بصلة..وأعتقد أن من هاد المنطلق تم ترويج لفكرة أن الإنسان أصلو قرد و نسبت لداروين زورا..

■ المهم مكيناش شي حاجة تتگول أن الإنسان نحادر من سلالة القردة الحالية ولكن بالمقابل ممكن نعتابرو عبارة أصل الإنسان قرد صحيحة ولكن باش نوضحو الأمور أكثر خصنا بعدا نفهمو ابجديات علم الأحياء والتصنيفات للكائنات الحية وغنبداو بكلمة أصل لي كتعني أنه حنا البشر كنتاميو لتصنيف القردة العليا ومهمة التصنيفات البيولوجية الأساسية أنها كتفرق بين الأنواع والفصائل والرتب داخل المملكة الواحدة لي فيها الإنسان والغوريلا والشمبانزي يعتبرون أنواع..

■ هاد الأنواع كلها منفاصلة وكذالك الإنسان منفصل عن هذه الأنواع ..
 فاش تنگولو فاللغة ع قرد واش كظنو بلي أنه كاين شي حيوان سميتو قرد؟  أكيد لا اسم قرد هو جنس وداخل هاد لجنس كنلقاو لبونوبو وشمبانزي والنسناس والرباح والمكاك الخ..
فهاد الأنواع كتندارج تحت اسم قرد ..فكلمة إنسان او هومو هدي سمييت جنس وكنلقاو مجموعة فيها بزاف دالأنواع من ضمنها سابينز والإيريكتوس والهابيليس الإرغاستر الخ..

■ فكل القردة لي معندهومش  الزنطيط( الذيل) كيتسماو القردة العليا Apes أما ل Monkeys هوما لي عندهوم الذيل ول apes فقدات ذيولها عبر المسار التطوري ..فالإنسان داخل فتصنيف كبير وكينتمي لعائلة القردة الإفريقية ولي تتكون من سابينز(الإنسان)  والبونوبو والشمبانزي.. حنا ب 3 رغم أنه كل نوع فينا منفاصل على لاخر الا أنه كتجمعنا قواسم مشتركة من الناحية الجينية والتشريحية والشكلية.

■ والقردة  الإفريقية هو الإسم ديالنا العلمي بالإضافة للغوريلا والأورانغوتان وحنا ب 5 دالأنواع تنشكلو عائلة القردة العليا فكلمتيْ القردة والعليا معندها تا صلة بل Monkeys  او حتى النوع راه كتعني جنس اسم عائلة كيف شرحت لفوق والإنسان كيتواجد فصنف كبير سميتو القردة العليا  والإفريقية داخل هاد التصنيف ممكن نگولو أن الإنسان أصلو قرد  ولكن كنوع من القردة رغم أننا مختالفين كل الإختلاف عن أقربائنا الشمبانزي والبونوبو..

■ الإنسان متطورش من القردة بل حنا والقرودة تطورنا من سلف مشترك قديم عاش قبلا تقريبا ما بين 6 تال7 مليون سنة وهو السلف المشترك لي كيجمعنا مع بنو قِردان..
 
●الانسان هو راه  جزء من المملكة الحيوانية وهو واحد من  القِردة العليا  المتطورة..
ZM.