البطمي في مقارنة ساخرة بين الصنايعية في المغرب و في فرنسا
لي ثار الانتباه ديالي و أنا كنتابع بعض مقاطع الفيديو فالتيكطوك ديال الصنايعية النجارة و التريسيانات بضبط بحكم أني كنحب هاد ليضومين بزوج خاصة الضو
هو أن الطوب و السيما و الخشب العادي لي كنديروه شراجم و طوابل و سدادر تجاوزهم التاريخ بشكل كبير كما تجاوز التورنفيس العادي و المنشار العادي و الخيوطة تاع الضو العاديين و لينگاصات العاديين
الخلاصة لي خرجت بيها من خلال متابعتي لجوج صنايعية ففرانسا أننا فعلا عايشين فعالم ثالت من جميع النواحي حتى فالبولة لي ملصقين فالمراح
هادشي غير ففرانسا لي بعيدة علينا بميترو
فما بالك امريكا و الصين و اليابان
كظن شنو السبب فعدم استافدة الصنايعي فالمغرب من هاد التكنولوجيات الحديثة لي رخيصة نوعا ما و سهلة الاستعمال و التركاب و شكلها زوين ؟
طبعا الجواب هو كروش الحرام باش يبقاو ديما خدامين و ديما كيبيعو لمغريبي مواد رديئة صعبة الاستعمال و غالية فنفس الوقت
تخيل مثلا أنه فالمغرب باقي المغريبي فالدوش لا بغى يردو حمام سخون خصو يدورو بالنحاس و يجي لبلومبي يبدا يكوي تما بينما الفرنسي كيدير طابي خاصة كتحط و يدوز فيها تيو خاصة كتركب فنص ساعة و كيدار فوقها الزليج بكل سهولة
تخيل ان الطريسيان فالمغرب لابغا يركب غير لينگاصا خصو يبدا يشانتي و يزير و فلخر تخرج عوجة و من بعد شهر تصوطا و تحرگ ربها دار
بينما الفرنسي عندو لينگاصا خاصة سهلة الاستعمال يكفي يجر الخيط و يحطو فبلاصتو لي مصاوبة خصيصا باش تمانيبيلا غير باليد لصعوبة وصول التورنفيس لدوك لبلايص و فيها الوان مميزة لكل خيط و ظيفتو و تلقاها دايرة خمسة دراهم
ما هو رد فعلك؟
