لماذا يتشبت المغاربة الناطقين بالدارجة بالعروبة ؟

أسباب تشبت العروبية و بقية الناطقين بالدارجة كلغة أم وحيدة بالعروبة
????السبب الواضح و البديهي الاول هو وجود مغاربة من أصول عربية و التاريخ الرسمي الرسمي كيذكر التواجد العربي ف شمال افريقيا من العهد الفاطمي و استقدام القبائل العربيةإلى المغرب من طرف الموحدين لاهداف عسكرية معروفة و التاريخ كيذكر هد التفاصيل اسماء القبائل و تفرعاتهم و اعدادهم و اماكن استقرارهم بالمغرب و مزال بعض الانساب محفوظة لبومنا هذا د أصول ديك القبائل من جزيرة العرب 
????ظهور نتائج تحليلات السلالة الأبوية على J1 عرفناه تحور قوقازي زاݣروسي و بزاف الشعوب متكتلة عليه من بينهم العرب و الناس لي كيطلعو عليه ف شمال افريقيا ناس من أصول عربية مكاينش تفسير اخر الناس لي طلعو على تحور امازيغي شمال افريقيا ف مجال نفوذ العروبية غنهضر عليهم من بعد متزربوش
????100٪ د العروبية حاليا كيهضرو الدارجة لي هي لهجة عربية كريولية تأثرت بلغات أخرى أهمها الأمازيغية اندماج لهجة الهلاليين و نظرائهم من الحجاز و لهجة الأمازبغ الناطقين بالعربية قبل الهلالية لي تخلاو على الأمازيغية و لو كانو قلال ديك ساع و تأثرت بالأمازيغية و خرجت لينا الدارجة لي تنعرفو ( و بركة من ديك البسالة ديال لا حقا أمازيغية و ايلا اختلفت معك تبدا عليا لا حقا عبيد الشرق لاحقا علاش لوخرين مكيفهموهاش و مطرحتيش سؤال أهم علاش الدارجوفونيين مكيفهموش المتغيرات الأمازيغية كنظن السؤال يجيب عن نفسه+ و بركة من ديك البسالة لوخرة ديال لا حقا مكاينش تأثير أمازيغي و غيرها من الاراء المبرهشة غير الموضوعية) معلومة صادمة: الدارجة المغربية في القرن 16 كانت افصح من لهجة صنعاء المتأثرة بالتركية اثناء الحكم العثماني للمنطقة كاينين مخطوطات بالدارجة المغربية فيها التخت د الفواصح الكلمات الدخيلة قليلة بزاف .
كاينين شي عروبية عمرهم نطقو الأمازيغية من نهار جاو لهنا و تا دوك الامازيغ المستعربين لي مخبيين ف التغريبة جاو معربين من ليبيا و دزاير عمرهم نطقو الأمازيغية تاهوما من نهار دخلو المغرب متنكروش بلي فعلا كانت الأمازيغية منطوقة فبعض مناطق العروبية الى وقت قريب و انقرضت ف القرن 19 و التعريب الطوعي لجبالة ف القرن 18 
صاف مع التعريب تلفت الأنساب و تماهاو مع العرب فالهوية ولا تيصنفو راسهم عرب ها لي كيقول ادارسة ها لي كيقول علوي ها لي كيقول عمري الخ عاد العرب د بصح من عارفين اصولهم الهلالية المعقلية  فالمغرب اللغة تتعبر على تصنيفك هوياتيا لنفسك مهم هد نقطة طرقناها
????افتخار العروبية بالتاريخ العربي الاسلامي من دولة الرسول محمد مرورا بدولة الخلفاء الراشدين مرورا بالدولة الأموية و العباسية (العصر الذهبي ف عهد المأمون و مكتبة بغداد و العلماء العرب المسلمين "كانو علماء من إثنيات اخرى أيضا"و إمارة قرطبة ف الأندلس و جلبهم الإسلام لشمال افريقيا و غيرها من الأمصار الإسلامية غتقولي لا حقا القرامطة معندهم علاقة بالأمويين غنقوليك بجوجهم عرب كيفما مصمودي مثلا عاجبو تاريخ زناتة و صنهاجة (مثال عشوائي) 
+الدول الإسلامية ف شمال افريقيا لي تأسسو على يد العرب حسب التاريخ الرسمي 
العربية لغة القرآن و الحديث و السنة و الإسلام أفضل من اب لغة اخرى لهد سبب 
مكاينش وعي عند العروبية بالتاريخ الأمازيغي قبل الإسلام و تا ف الإسلام كانو غ مرتزقة عند العرب فش فتحو الأندلس و مهدو الحكم العرب تما و كانو دوزيام حلوف و تا ف فش دارو دولهم (المرابطين الموحدين المرينيين الوطاسيين و سدات مدام)
الامازيغ كانو بزاف تحت احتلالات متعددة (الرومان البيزنطيين الوندال العرب العثمانيين او بنادم براني كيجي يأسس الدول عندهم و هوما كيتفرجو(قرطاج حسب الرواية التاريخية لي عندنا)
هادشي كيعطينا تفكير ديال أفضلية الانتساب العرب على الأمازيغ 

????ندوزو الاسباب المجتمعية الصورة النمطية لي عند العروبية على الناطقين بالأمازيغية ملاحظة: هدشي لي غنقول و الله ما هضرتي و مكنقصدش مهاجم شي حد نيتي صافية (ريفي بزناس خدام فالحشيش و الكونطر بونض قاصحين ف التعامل مع البراني+, اطلس ناس دراوش عاطينها غ الشيخات و الزهو (الملقبين بشلوح أالخنز (وايني ولاد لحباب هد العروبية ????)و ساكنين ف الجبال ف البرد ة الفقر الدولة تتصيفط ليهم مساعدات ف فصل الشتاء+ الشلح مول الحانوت كربوز قصير خواف مادة السخرية الخ تا الإعلام د.الصرف الصحي ديالنا بحالا كينفر العروبية من الأمازيغية كيشوفوها بازدراء و لغة غير مهمة  بالعربية كبر من بزاف من داكشي لي مكتوب بالأمازيغية بأشواط 
????أهم المدن الكبرى فالمغرب لي فيها رواج اقتصادي قطب طنجة كازا+فاس مكناس مراكش وجدة السواد الأعظم ناطق بالدارجة المناطق الناطقة بالأمازيغية مهمشة من غير أكادير و الناظور كيبانو لي مرقعين شوية مما أدى إلى هجرة الناطقين المدن الكبرى لي هي مصانع للتعريب 
???? القومية العربية لي نسبت الارض للعرب و حاصرت الأمازيغية و كان المخزن خدام بيها لاهداف استراتيجية يضمن تحالفات مع دول عندها نفوذ فالمنطقة خاصة دول الخليج و مصر انداك المخزن خدم ت9واديت بحال ديما و جاب لينا سواعدة و امثالهم الهمج لهنا راكم فاهمين و الأمازبغية مبانت فالتلفزة تال 2006 و ساهمت بدورها في انحسار الأمازيغية الناطقين أقلية حسب الإحصاء لخر
???? اسباب نفسية هي ان المهمين كيبغي يبقا مهيمن لغويا/هوياتيا كيفضل يكون مع الطرف الاقوى و الطرف الأضعف كيتماها مع الاقوى عادي